Die stinkvis (Neoscorpis lithophilus) is 'n vis wat voorkom vanaf Valsbaai tot by Maputo en endemies is aan die Suid-Afrikaanse Suid- en Ooskus. In Engels staan die vis bekend as Stonebream.
Voorkoms Die vis se lyf is platterig. Die vis is silwergrys van kleur met 'n klein koppie en is oortrek met klein skubbetjies. Dit kan tot 50 cm lank word en weeg dan 2,6 kg. Die onvolwasse visse het 7-8 dowwe vertikale strepe oor die lyf.
Habitat Die vis kom voor in aanlandige rotsriwwe en rotsagtige strande. Die onvolwasse visse leef in groepe in getypoele terwyl die volwasse visse meestal alleenlopers is. Hulle vreet rooi alge en ongewerweldes. Die vis kry sy naam omrede dit 'n skerp reuk afgee indien dit oopgesny word.
Sien ook Alfabetiese lys van visse Lys van Suider-Afrikaanse visse volgens wetenskaplike name Lys van varswater visfamilies Lys van visfamilies
Bronnelys Sea Fishes of Southern Africa. Rudy van der Elst & Dennis King. 2006. Gids tot die Kusgebiede van Suid-Afrika. Jacana Media. 2007. Coastal Fishes of Southern Africa. Phil & Elaine Heemstra. 2004.
Verwysings
Eksterne skakel http://www.fishbase.us/summary/Neoscorpis-lithophilus.html
Kategorie:Beenvisse