Die Premier League, ook bekend in Afrikaans as die Premierliga, is Engeland se professionele eersteliga in sokker sedert 1992. Dit word deur 20 klubs betwis en funksioneer volgens ’n stelsel van bevordering en relegasie saam met die Engelse Sokkerliga (EFL). Seisoene duur gewoonlik van Augustus tot Mei, met elke span wat 38 wedstryde speel: twee teen elke ander span, een tuis en een weg. Die meeste wedstryde word op naweekmiddae gespeel, met af en toe weeksaand-wedstryde.
Die top vier spanne kwalifiseer vir die daaropvolgende seisoen se UEFA Champions League, terwyl ander hooggeplaaste spanne vir óf die Europa League óf die Conference League kwalifiseer. Hierdie Europese toernooie word parallel met die Engelse stelsel gespeel en bied verhoogde inkomste en veral die kans om teen klassieke spanne uit ander Europese ligas te speel en om gesogte trofeë te wen.
Die drie onderste spanne aan die einde van die kompetisie relegeer na die Championship (die tweede vlak in Engelse klubsokker).
Seisoenoorsig
Seisoen Kampioen 1992–93 Manchester United 1993–94 Manchester United 1994–95 Blackburn Rovers 1995–96 Manchester United 1996–97 Manchester United 1997–98 Arsenal 1998–99 Manchester United 1999–2000 Manchester United 2000–01 Manchester United 2001–02 Arsenal 2002–03 Manchester United 2003–04 Arsenal 2004–05 Chelsea 2005–06 Chelsea 2006–07 Manchester United 2007–08 Manchester United 2008–09 Manchester United 2009–10 Chelsea 2010–11 Manchester United 2011–12 Manchester City 2012–13 Manchester United 2013–14 Manchester City 2014–15 Chelsea 2015–16 Leicester City FC 2016–17 Chelsea 2017–18 Manchester City 2018–19 Manchester City 2019–20 Liverpool FC 2020–21 Manchester City 2021–22 Manchester City 2022–23 Manchester City 2023–24 Manchester City 2024–25 Liverpool FC
Spanne in seisoen 2025/26
Arsenal Aston Villa Bournemouth Brentford Brighton & Hove Albion Burnley Chelsea Crystal Palace Everton Fulham
Leeds Liverpool Manchester City Manchester United Newcastle United Nottingham Forest Sunderland Tottenham Hotspur West Ham United Wolverhampton Wanderers
Verwysings
Eksterne skakels
Amptelike webwerf
Kategorie:Engelse sokkerligas