Salvatore Schillaci (Italiaans: [salvaˈtoːre skilˈlaːtʃi]; 1 Desember 1964 – 18 September 2024), algemeen bekend as Totò Schillaci, was ’n Italiaanse professionele sokkerspeler wat as ’n doelskieter (aanvaller) gespeel het. Gedurende sy klubloopbaan het hy vir Messina (1982–1989), Juventus (1989–1992), Internazionale (1992–1994) en Júbilo Iwata (1994–1997) gespeel.
Op internasionale vlak was Schillaci die verrassingsster van die 1990 FIFA Wêreldbeker, toe hy Italië gehelp het om ’n derde plek op hul tuisgrond te behaal. Nadat hy as plaasvervanger in Italië se eerste wedstryd ingestuur is, het Schillaci ses doele tydens die toernooi aangeteken, en sodoende die Goue Stewel gewen as die topskuts, en die Goue Bal as speler van die toernooi ontvang – voor Lothar Matthäus en Diego Maradona, wat onderskeidelik tweede en derde geëindig het. Daardie jaar het hy ook tweede geëindig in die 1990 Ballon d'Or, agter Matthäus.
Schillaci het in 1999 afgetree. Hy het teruggekeer na sy geboortedorp Palermo, waar hy 'n jeugsokkerakademie besit het.
Verwysings
Kategorie:Italiaanse sokkerspelers Kategorie:Geboortes in 1964 Kategorie:Sterftes in 2024