duimnael|350px|regs|Die Maputo-Katembe-brug in aanbou (April 2017), in die agtergrond skitter die stadskim van Maputo Die Maputo-Katembe-brug (Ponte de Maputo a Katembe) is 'n tolbrug oor Maputobaai in Suid-Mosambiek, wat die hoofstad Maputo aan die noordoewer met Katembe aan die suidoewer verbind. Die aanbou daarvan begin in 2014 en word deur die Chinese Road and Bridge Corporation voltooi. Die brug word vernaamlik deur lenings van die China Exim Bank finansier (met die Mosambiekregering as skuldpligtige). Die inwyding van die brug vind amptelik op 25 Junie 2018 plaas,Ponte Maputo-katembe sem data de entrega maar die opening daarvan vind uiteraard eers op 10 November 2018 plaas, ter viering van die 131ste bestaansjaar van Maputo. Ná sy voltooiing, steek hy die Matadi-brug in die Demokratiese Republiek die Kongo wat lengte betref verby, en staan tans bekend as die langste hangbrug in Afrika.Stefan Tavares Bollow, Jörn Seitz und Andreas Raftis. 2017. Deutsches Know-how für Afrikas längste Hängebrücke. Beratende Ingenieure Das Fachmagazin für Planen und Bauen 47 (1-2), S. 42ff. Die brug word bestuur en onderhou deur die Mosambiekse staatsonderneming, Maputo-Sul.
Geskiedenis Die droom van 'n brug oor Maputobaai - iets soortgelyk aan die Ponte 25 de Abril oor die Tejo te Lissabon - bestaan al jarelank. Reeds in 1989 maak die brug deel uit van 'n stadsprojek wat vir Maputo beoog is en deur die Wêreldbank finansier sou word, maar die uitbreek van die burgeroorlog steek 'n stokkie daarvoor.
Die Mosambiekregering kon die projek eers aanpak nadat die burgeroorlog uitgewoed en beëindig is. Met die skielike hoë aanvraag na gas en olie, stroom die beleggings in, wat 'n gepaardgaande sterk ekonomiese opbloei in Mosambiek beteken. Sedert November 2008 begin die Mosambiekse regering voelers uitsteek na belangstellendes.Catembe: o mito faz parte do passado Verdade 2009-04-15: O Governo de Moçambique lançou em Novembro de 2008 um convite internacional para a manifestação de intenções para efeitos de concepção e concessão da empreitada da futura ponte de Maputo para a Catembe.
Na afloop van die besoek in 2010 deur die eertydse Portugese Eerste Minister, José Sócrates, was Portugal aanvanklik die gekose geldskieter.Portugal poderá financiar ponte Maputo/Catembe. A Verdade. 2010-03-07Ponte para Katembe começará na Toyota O País 2011-02-15 Maar toe Portugal self in 'n enorme begrotingsverknorsing beland, is dit neusie verby. Die Mosambiekse president, Armando Guebuza, lê in Augustus 2011 sy besoek aan die Volksrepubliek China af en albei lande kom ooreen dat China die projek sou finansier.China financia ponte Maputo-Catembe A Verdade 2011-10-25
Die bouwerk word toegewys aan die staatsontwikkelaar Empresa de Desenvolvimento de Maputo Sul, E.P. (kortom Maputo-Sul), wat ook die ringpad brug toe sal voltooi. Op sy beurt word die werk uitkontrakteer aan die China Road and Bridge Corporation.Construção da ponte Maputo/Catembe, em Moçambique, com início no segundo semestre Macau Hub 2013-04-24 Luidens die China Daily sou 2 000 werksgeleenthede sodoende geskep word.Xinhua. Mozambique-China cooperation project to create 2,000 jobs. China Daily 2012-09-21 Die Duitse ingenieursfirma, GAUFF Engineering, hou egter 'n ogie oor die boubedrywighede.Andreas Raftis. Längste Hängebrücke Afrikas eröffnet www.gauff.net Gauff Engineering 2018-11-12 duimnael|350px|Bouwerk aan die brugaanloop aan die noordoewer (September 2017)
In Junie 2014 begin die eerste voorbereidende bouwerksaamhede.Catembe: Arranca construção das estacas da ponte Jornal Notícias 2014-06-30 Ná enkele vertragings - vernaamlik omdat die inwoners van die Malanga-distrik in Maputo eers hervestig moes word - sou die opening amptelik op die Mosambiekse nasionale vakansiedag, 25 Junie 2018, plaasvind, ter viering van die land se onafhanklikheid. Dit is egter nie verwesenlik nie. Uiteindelik is die brug ingewy op 10 November 2018, die 131ste bestaansjaar van Maputo, deur president Filipe Nyusi.José João. Ponte Maputo-katembe sem data de entrega. O País 2018-06-12 In sy rede voer die president aan die brug sal veral toerisme in Mosambiek 'n aansienlike hupstoot gee en sodoende groter rykdom vir die streek meebring.Adérito Caldeira. Megalómana ponte Maputo - Ka Tembe custará 1,3 bilião de dólares aos moçambicanos @Verdade 2018-11-11
Die onderhoudskoste word ten tyde van die opening egter ook bekend: dit bedra 'n ruim $1 miljoen per jaar. Die brug word bestuur en onderhou deur die Mosambiekse staatsonderneming, Maputo-Sul.Maputo-Katembe bridge: Maintenance to cost US$1.2M / year, not covered by tolls – report. Club of Mozambique. 2018-11-09
Kort ná die opening lyk die tolgeld (BTW ingesluit) so: Mozambique: Tolls Announced for Bridge Over Bay of Maputo AllAfrica.com. 2018-11-04 160 meticals vir ligte voertuie [motorfietse, motors, minibusse, en motors met woonwaens] 320 meticals vir swaarder voertuie [met twee asse] 750 meticals vir swaar voertuie [met drie of vier asse] 1 200 meticals vir voertuie met 5 of meer asse.
Desember 2022,YouTube. Puande, El. 2022. Maputo, Av. Eduardo Mondlane, Ahmed Sekou Toure, Karl Max, 24 de Julho e Ponte Maputo Katembe, 10 Desember, 18:24 maar ook September 2023Streetview in September 2023YouTube. Puande, E. 2023. Maputo Moçambique, Ponte Maputo Katembe. 1:32 lyk die pryse ("iva incluido") so:
125 meticals vir ligte voertuie 250 meticals vir swaarder voertuie [met twee asse] 750 meticals vir swaar voertuie [met drie of vier asse] 1 200 meticals vir swaar voertuie met 5 of meer asse.
Die brug is toegerus met kameras. Die snelheidsgrens is 60 km/h; stilhou en fotografering van die asembenemende uitsig oor die baai is verbode. Die tolplaza is aan die suidoewer, by Katembe.
Beskrywing van die bouwerk duimnael|Die brug word oorgesteek (2020) Die vierspoor-hangbrug is 680 meter lank (die deel oor die water) en 60 meter hoog. In die noorde is die aanloop na die brug (viaduk) 1 097 m lank, effens s-vormig gebuig en aan die verkeersirkel Praça 16 de Junho verbind (wat by die hoofpaaie EN2/EN4 aansluit) by Malanga, 'n buurt in Maputo. Die suidelike brugaanloop (viaduk) is 1 234 meter lank en bestaan uit voorafvervaardige onderdele van tot 45 meter lank. Die pad sluit direk aan by die pad na Ponta do Ouro.
Oorspronklik is daar ook spantorings vir 'n kabelstutbrug in die baai self beplan, wat verander is om nie die toegangsroete na die internasionale lughawe of skeepsverkeer onnodig te belemmer nie. Die twee spantorings staan elkeen op sy wal, weerskante van die baai, en sonder 'n enkele pilaar in die water om steun te bied, loop die spanwydte van 680 meter van die een oewer na die ander.“Maputo-Catembe” sofre alterações Jornal Notícias 2014-02-14 Dit maak die brug die grootste hangbrug in Afrika. Die hoofsteunkabels word deur staalstrukture in die noorde en suide verbind, elkeen aan 'n enorme ankerblok verbind. Die uiters swaar las van die hele brug vereis fondasies van 1,50 tot 2,20 meter deursnee, wat tot 110 meter diep in die moddersteen staan. Albei spantorings is 141 meter hoog, en daar is 'n dwarsbalk vir die ryvlak op 'n hoogte van ongeveer 40 meter. Die individuele voorafvervaardigde staalonderdele vir die ryvlak is elk 25,60 m breed en 12 m lank. Dit is in China vervaardig en ingebou vanaf die skip wat naby die kaaimuur voor anker gelê het.
Die brugbouprojek omvat veel meer as die aanbou van die hangbrug alleen; dit sluit ook in: die verlenging van die pad vanaf Katembe na die grensdorp Ponta do Ouro (129 kilometerA Nova Katembe -- Uma cidade para o futuro Betar 2014), en tussen Boane en Bela Vista (63 kilometer), wat brûe oor die Maputo-, Futi- en Umbeluziriviere insluit. Nadat die brug voltooi is, loop die EN1 oor die brug tot by Ponta do Ouro of die Kosibaai-grenspos (-grensoorgang).Adérito Caldeira. Estrada Nacional nº 1 passa ligar Pemba à Ponta de Ouro @Verdade 2018-08-08
Koste Die koste sou na verwagting sowat $726 miljoen beloop, waarvan 85% ($681,6 miljoen) deur spesiale lenings van China Exim Bank gefinansier sou word. Die afbetalingsplan loop vir 20 jaar teen 'n rentekoers van vier persent.Construction of the Maputo/Catembe in Mozambique due to begin in second half Macau Hub 2013-04-24 'n Verdere 10% ($ 72,2 miljoen) sou onder sekere voorwaardes deur die China Exim Bank toegestaan word, en 5% sou direk deur die Mosambiekregering gedelg word.Ponte Maputo-Catembe já tem financiamento Informação & Desporto RDP África 2012-07-19
'n Kosteberaming in 2018 toon egter dat die boukoste alleen tot ruim $785 miljoen opgeloop het.AFP. Mozambique opens $785 million Chinese bridge. Rappler.com 2018-11-10Maputo inaugura maior ponte suspensa de África VOAportugues.com Voice of America 2018-10-09
Die regeringkritiese koerant @Verdade dink ook die staat het vir homself 'n lelike lat gepluk: die gesamentlike koste sou uiteindelik oploop tot 1,3 miljard Amerikaanse dollar ("1,3 bilião de dólares norte-americanos"). Net die rente van 20 jaar alleen, teen 'n vaste vierpersentkoers, beteken 30 miljoen Amerikaanse dollar per jaar teen 2039 ("30 milhões de dólares norte-americanos anuais até 2039").
Impak duimnael|Voor die inwyding van die brug was die veerboot van die staatsredery Transmarítimo die vinnigste manier om die oewer oor te steek. duimnael|Voor die oopstel van die brug was die paaie van Katembe en Boane na Ponta d’Ouro glad nie geteer nie. Tydens die reënseisoen was die paaie onbegaanbaar. Ook die reistyd tussen Maputo en die badoord Ponta de Ouro het 4 uur geduur. Al maak Katembe deel uit van Maputo, was die kontras tussen die twee oewers weerskant van die baai moeilik om mis te kyk. Aan die noordoewer is Maputo, veral die middestad, digbevolk, en word deur ruim 2 miljoen mense bewoon. Daarteenoor het die geboue aan die yl bevolkte suidoewer maar een enkele verdieping gehad, die strate is nie geteer nie en heelwat ruimte lê nog onontwikkeld. Na raming was daar in 2018 maar 15 000 tot 20 000 inwoners in Katembe. Voordat die brug die twee oewers met mekaar verbind het, was die mense afhanklik van 'n veerboot vir motors of passasiers, of hulle moes noodgedwonge met 'n ompad deur Boane (EN2/EN200) ry.
Noudat die brug en pad tot by Ponta do Ouro voltooi is, is Katembe 'n bevolkingsgroei van tot 400 000 inwoners te wagte. Die hele suidoewer word stad. Volgens die Betar-ingenieursfirma moet ongeveer 9 510 000 vierkante meter ruimte (en dus 58,9 persent van die gesamentlike oppervlakte) uitgehou word vir woonbuurte. 3 270 000 vierkante meter (20,3 persent van die totale oppervlakte) is geoormerk vir die dienstesektor, 1 880 000 vierkante meter (11,7 persent) vir nywerheid.
Vanaf die Kosibaai-grenspos in Suid-Afrika is die reistyd na Maputo nou ook vanaf vyf ure plus tot minder as twee uur verkort.Já é possível chegar à Ponta do Ouro em menos de duas horas opais.sapo.mz, 9. November 2018. Die geleentheid doen hom nou ook voor dat groter samewerking met KwaZulu-Natal en Eswatini meer toeriste na Suid-Mosambiek kan lok.
Toekennings Die brug geniet wêreldwyd aandag en erkenning in spesialiskringe. Benewens die FULTON-toekenning 2017 en 2019Fulton Awards concretesociety.org.za - wat die hoogste onderskeiding vir betonstrukture in Suider-Afrika is - het die struktuur in Junie 2019 ook die "Prys van Verdienste" van die Engineering News-Record (ENR) in New York ontvang as wenner in die kategorie "Global Best Projects".ENR announces 2019 global best projects winners. enr.com
Kritiek duimnael|Die brug vanuit die noordoewer aanskou (Julie 2018)