W Mensae (afgekort as W Men) is 'n buitengewone geelsuperreus in die Groot Magellaanse Wolk in die suidelike sterrebeeld Tafel. Dt is 'n R Coronae Borealis-veranderlike waarvan die helderheid periodiek met verskeie magnitudes afneem.
W Men is 'n baie verafgeleë ster en lê in die naburige sterrestelsel die Groot Magellaanse Wolk. Ondanks sy groot ligsterkte het dit 'n maksimum skynbare magnitude van 13,8, wat te dof is om met 'n klein teleskoop te sien. Sy radius is bereken op 61 keer die Son s'n, oftewel .
W Men se veranderlikheid is in 1927 deur Willem J. Luyten ontdek. Dit behoort tot die baie skaars soort veranderlike sterre wat in die R Coronae Borealis-klas val; hulle word dikwels "omgekeerde novas" genoem omdat hulle soms baie verdof. Op sy maksimum helderheid het W Men 'n fotografiese (blou) magnitude van minder as 18,3, wat beteken dit kan dan nie op fotografiese plate bespeur word nie. Die algehele helderheid van die ster verander egter vermoedelik nie, want die afname in helderheid word waarskynlik veroorsaak deur stof wat die ster tydelik verberg. Kort golflengtes van lig word geabsorbeer en as infrarooi hervrygestel. Baie R CrB-sterre het kort pulseringstydperke; W Men het 'n tydperk van sowat 67 dae.
Verwysings
Skakels
Kategorie:F-tipe superreuse Kategorie:Veranderlike sterre Kategorie:Tafel (sterrebeeld) Kategorie:Magellaanse Wolke Kategorie:Sterre buite die Melkweg