Schwiensteert paneert is een harthaftet Meddageten ut ole Tieden, dat besünners in Schleswig-Holsteen eten woor. As dat noch Huusschlachtungen geev un würkli allns vun’t Schwien verweertet woor, hett man denn Steert kookt un dat Fleesch – dat Steertfleesch is recht so zort – dorför nohmen. Later woor dat een tosätzliche warme Mohltied ut denn rökerten Schink, aver de Naam Schwiensteert paneert bleev bestahn. Hüdigendags is dat Gericht ut de Mood kamen, wohl ok, wiel dat middelwiel een düret Eten woorn is.
Schwiensteert paneert warrt ut fingerdicke Schinkenschieven ut'n Rook – in de Proobstie nehmt se Buukfleeschschieven – tobereit. Afloopen deit dat so, as wenn een Schnitzel maakt. Deelwies warrt ok dünne Schieven oprullt, denn süht dat een Steert liek. To dat Gericht kann een t'on Bispeel Katüffeln oder Schnüüsch eeten.von früh bis spät ... Rezepte und Winke aus der Schleswag-Lehrküche. Rutgeven vun de Schleswag Aktiengesellschaft, Rendsborg 1978, S. 159.
Literatur Helmut Peterlein: von früh bis spät ... Rezepte und Winke aus der Schleswag-Lehrküche. Heinrich Möller Söhne, Rendsburg 1978, S. 159.
Weblenken Kulinarische Proobstie: Schwiensteert paneert (hoochdüütsch) Fördervereen vun de Eutiner Festspeele: Schnüüsch mit Schwiensteert paneert (hoochdüütsch)
Nawiesen
Kategorie:Eten Kategorie:Sleswig-Holsteen