Luhnsteed () is en Gemeen in’n Kreis Rendsborg-Eckernföör in Sleswig-Holsteen. Margaretental, Spöök un Luhnsteedter Vie ligt in’t Gemeengebiet.Schleswig-Holstein-Topographie. Bd. 6: Kronprinzenkoog – Mühlenrade. Flensborg 2006, S. 219.
Geografie un Verkehr Luhnsteed liggt in’n Naturpark Aukroog, rund 15 km vun Rendsborg, 12 km westen vun Noorddörp un 12 km noorden vun Wisteed. Westlich löppt de Bundsstraat 77 vun Rendsborg na Itzhoe. Vun 1901 bit 1957 harr Luhnsteed Bahnstatschoon vun de Rendsborger Kreisbahn. In’n Süden vun’t Dörp liggt dat Luhnsteder Hagen. De „Holzvogtstell“ wurr 1845 vun de däänsche Regeren verköfft. De Köper nööm dat Gehööft na sien Fro „Margarethental“. Dat Huus vun de Föörsteree, de vun 1870 bit 1968 bestunn, is en seenswert restaurierten Fachwerkbau un is vundaag in Privatbesitt. Dat Waldstück mit Wanderwegen höört grotendeels to dat Naturschutzgebiet Staatsforst Barlohe un is Deel vun dat NATURA-2000-Schutzgebiet FFH-Gebiet Wälder der nördlichen Itzehoer Geest.
Geologie Na Süüd to finnt sik mit Lehm vermischten Sandbddens; de Midd vun de Gemeen is anmorig un blots deelwies sannig. In’n Norden liggt en rund 100 Hektar groot Moor, dat deelwies as extensive Weidland bruukt warrt.
Geschicht Funnen wiest dorop hen, dat dat Rebeed al in de Jungsteenstiet besedelt weer. In’n Oosten vun’t Dörp schöölt se Aschpött funnen hebben, de ut de Bronz- oder Iesentiet stammt. De Oort stunn 1447 as „Lundstede“ to’n eersten Maal in den Oorkunnen. De Naam bedüüdt sachtens „Steed an de Luhnau“. „Luhn“ bedüüdt so veel as Sump, Luhnau also Sumpbeem. Luhnsteed is, as anner Dörpen, de op „-steed“ ennt, en „holsteensch Oordörp“. Dat Water un de holtrieken Woolden maken dat mööglich, dat sik hier al fröh Minschen ansedeln kunnen.
1750 wurr in Luhnsteed en Dörpschool opmaakt, de bit 1970 bestunn. Dat ole Schoolhuus deent vundaag as Dörpgemeenschopshuus.
In’n Tweten Weltkrieg fullen mit 30 Mann de Hälft vun all inberopen Luhnsteder Mannslüüd. 32,5 Prozent vun all Kinner verloren so ehr Vadder. In’t Vörjohr 1945 bereiken grote Flüchtlingstrecks dat Dörp. Blots vun’n 13. März bit’n 20. April 1945 harr dat lütte Dörp 11.222 Minschen un 3.475 Peer ünnerbröcht un versorgt. Enn April wurrn nochmaal 210 Flüchtlingen inquarteert.
Vun 1954 bit 1957 weer Luhnsteed Versöökdörp vun de Schleswag. De Energieverbruuk vun verschedene niege Elektrogeräten – dorto höörden t. B. Plättiesen, Kartoffeldämpeer un en Gemeinschaftsfreranlaag – as ok vun niege Straatlampen wurr över ungefähr dree Jahr opteken. De dorut ermittelte Bedarv schull richtungswiesend för den Utbouw vun dat Stromnett in Sleswig-Holsteen wesen. Över dat Projekt berichteten Fach- un Tagespresse sowat de Rundfunk; dor geev Anfragen ut In- un Uutland un Informationsveranstaltungen för Besökers.
Politik Vun 1888 bit 1969 weer Luhnsteed Sitz vun’t Amt Luhnsteed mit söven tohörige Gemenen. Vundaag höört dat to’n Amt Jevensteed.
Verenen un Organisatschonen
Füerwehr vun 1884 Landjugend vun 1967 Landfroonsvereen Legan un Ümgeven vun 1951
Wertschop Dat Gemeengebiet is vör allem landwirtschaftlich präägt. Luhnsteed hett al siet 1909 en egen Wasserversörgung, de genossenschaftlich organiseert is. Dat örtliche Levensmiddelgeschäft höört to de öllsten dörgehend familenbedreven Geschäften in Sleswig-Holsteen un kreeg sien „Concession zur Betreibung der Hökerei“ an’n 22. November 1842 vun den däänschen König Christian VIII. 1854 wurr de Konzesschoon üm den Handel mit „utländsche Waren“ as Kaffee, Tee un Zucker verwiedert.
Persöönlichkeiden
Friedrich Ernst Peters (1890–1962), düütschen Schriever un Direkter vun de Landsdovenschool in Sleswig (1946–1955) Hans-Hinrich Sievers (* 1952), düütschen Hartchirurg un Bildhauer
Literatur
Amt Jevenstedt mit den Gemeinden Brinjahe, Embühren, Haale, Hamweddel, Hörsten, Jevenstedt, Luhnstedt, Schülp/R., Stafstedt. Kissing 1979.
Weblenken
Gemeen Luhnsteed bi’t Amt Jevenstedt
Nawiesen
Kategorie:Oort in’n Kreis Rendsborg-Eckernföör Kategorie:Eerstnöömen 1447