duum|Deel vun en Stiftmosaik ut'n Binnenhof vun dat Eanna-Heligdom Eanna (sumersch E'ana; Huus vun de Himmel) is de Naam vun den Hoofttempel vun Uruk. He hett as dat Hooftheligdom för de Verehrung vun de Stadtgöddin Inanna/Ištar un vun ehr Vadder An as ok as Schatthuus deent. De Betekenis Schatthuus treckt sik nich blots op de rieke Utstattung vun den Tempel, man ok de Lagern vun Schätt un grooten Vöörrööd, de vun de Tempelpreesterschop ut de tohörigen Besittungen na Eanna bracht wurrn, dormit se dor opbewahrt warrn kunn. Besünners hett Eanna Bekanntheet as en benöömt Kultort in'n Gilgamesch-Epos.
In de ollen mesopotamschen Stadt Uruk hett sik bereets vör 3000. v. Chr. (in de Schicht Uruk IVa) en utdehnter Komplex mit grote Tempels, Hööv un anner Bauten formt, de sik all hinner en Umfattungsmuur leggt wurrn sünd, dorünner ok de Zikkurat vun Eanna. Hier wurrn ok de frühsten Tüügnissen vun de Keelschrift, de sonöömt Proto-Keelschrift funnen. Dat Eanna bleev dat överall beherrschende Kult- un Wirtschaftszentrum vun dat Gebiet bit in de seleukidische Tiet, 4. bit 2. Johrhunnert v. Chr., hen. Delen vun den Tempel sünd in dat Vorderasiatisches Museum Berlin to sehn.
Schriftdom
Stefan M. Maul: Das Gilgamesch-Epos. Beck, Mönken 2006, ISBN 3-406-52870-8