duum|Chris O’Donnell 2008 Chris O’Donnell (* 26. Juni 1970 in Winnetka, Illinois ) is en US-amerikaanschen Schauspeler.
Leven un Wark As Kind al harr O’Donnell mit dat Showgewarf to doon, as he in’t Öller vun 13 Johren as Model arbeit hett. En wieteren Schritt op sien Loopbahn weern enige Warffilmen, as to’n Bispeel en Spot för McDonald’s. In Hollywood is he mit sien eerste Rull in Men Don’t Leave opfallen. In de Johren dorna hett he in eenige grote Hollywood-Produkschonen mitspeelt, as ton Bispeel Batman Forever oder de John-Grisham-Verfilmen The Chamber.
Na den Film Batman & Robin, de kommerziell keen Spood bröcht hett, hett sik O’Donnell eerst mol en Poos nahmen, üm sik mehr üm sien Familie to scheren. QAn’n 19. April 1997 hett he Caroline Fentress to Fro nahmen, mit de he fief Kinner hett. Sien Filmpoos hett O’Donnell nütt, üm in New York City Theater to spelen. He weer dor in dat Stück The Man Who Had All The Luck vun Arthur Miller to sehn.
In de Filmbiografie över den Sexualforscher Alfred Kinsey harr he enen vun sien opstunns letzten Rullen. De Film weer ok vun de Kritik good opnahmen. Dorna harr he Gastrullen ü.a. in de US-amerikaanschen Krankenhuusreeg Grey’s Anatomy un in de Sitcom Two and a Half Men.
Siet September 2009 is O’Donnell as Hööftdorsteller in de Krimi-Reeg NCIS: Los Angeles op den US-Senner CBS to sehn. Dorbi hannelt sik dat üm en Aflegger un de Feernsehreeg Navy CIS, in de O’Donnell en Gastrull harr in en Backdoor-Pilot, in den dat ne’e Team inföhrt worrn is.
Filmografie (Utwahl) Johr Titel Synchroonsnacker 1990 Men Don’t Leavedt.: Verrückte Zeiten 1991 Fried Green Tomatoesdt.: Grüne Tomaten Markus Hoffmann 1992 School Tiesdt.: Der Außenseiter Matthias Hinze 1992 Scent of a Womendt.: Der Duft der Frauen Frank Schröder 1993 The Three Musketeersdt.: Die drei Musketiere Philipp Moog 1995 Circle of Friendsdt.: Circle of Friends – Im Kreis der Freunde Oliver Mink 1995 Mad Lovedt.: Mad Love – Volle Leidenschaft Frank Schröder 1995 Batman Forever Frank Schröder 1996 The Chamberdt.: Die Kammer David Nathan 1996 In Love and War David Nathan 1997 Batman & Robin Frank Schröder 1999 The Bachelordt.: Der Junggeselle Philipp Brammer 2000 Vertical Limitdt.: Vertical Limit – In größter Gefahr Philipp Brammer 2004 Kinseydt.: Kinsey – Die Wahrheit über Sex Timmo NIesner 2006 Grey’s Anatomy, Feernsehepisodendt.: Grey’s Anatomy – Die jungen Ärzte Sven Hasper 2007 The Company, Feernsehreegdt.: The Company – Im Netz der CIA Philipp Brammer 2008 Kit Kittredge: An American Girldt.: Kit Kittredge Sven Hasper 2008 Max Payne Philipp Brammer 2010 A Little Help 2010 Cats & Dogs: The Revenge of Kitty Galoredt.: Cats & Dogs – Die Rache der Kitty Kahlohr Sven Hasper 2009-15 Navy CIS: L.A., Feernsehreegdt:: NCIS: Los Angeles Sven Hasper
Utteken O’Donnell weer bit hüüt (Stand: November 2010) söven mol för Filmpriesen vörslahn, dorünner ok för den Golden Globe as Best Nevendorsteller för Scent of a Woman. Wunnen he he dree Priesen: 1993: den CFCA Award in de Kategorie Meistverspreken Schauspeler för Scent of a Woman 1994: den ShoWest Award in de Kategorie Männlich Star vun morgen 1998: den Blockbuster Entertainment Award in de Kategorie An’n leefsten sehn Nevendorsteller för Batman & Robin
Weblenken
Kategorie:Schauspeler Kategorie:Börger von de USA Kategorie:Mann Kategorie:Boren 1970