Geneviève Bujold (* 1. Juli 1942 in Montreal) is en franko-kanaadsche Schauspelersche.
Leven un Loopbahn Bujold hett twölf Johren an en kathoolsche School ünner strenge Optucht tobröcht un güng denn na’t Conservatoire d’art dramatique de Montréal. Ehr Schauspeelutbilln weer klassisch frankophil, wat in ehrn Fall dorto föhrt hett, dat se mit en Theatergrupp na Paris gahn is. Dor is se för’n Film opdeckt worrn.
Ehr Filmdebüt harr Bujold in’t Johr 1963 in den Film Amanita Pestilens, den eersten längeren Film vun René Bonnière. In de 1960er Johren harr se eenigen Spood in’t franzöösche Kino un hett Filmen dreiht ünner Lüüd as Alain Resnais, Philippe de Broca un Louis Malle. In de Hollywood-Produkschoon Anne of the Thousand Days vun 1969 hett se de Titelrull vun de Anne Boleyn speelt un is dorför mit den Golden Globe uttekent worrn un weer sogor för’n Oscar nomineert. Se hett dorna in vele wietere Filmen speelt.
1971 hett se vun ehr Rull in den Film Mary, Queen of Scots torüchpeddt, de se vörher toseggt harr. Dat Studio hett ehr dorophen op 750.000 US-Dollar Schadensutgliek verklaagt. Acht töög Bujold 1978 op sik, as se as een vun de eersten Fronslüüd de Hööftrull in en Actionfilm, neemlich den Medizin-Thriller Coma vun Michael Crichton speelt hett. Mitt vun de 1990er Johren is se na wenige Dreihdaag ut de Feernsehreeg Star Trek: Voyager utscheedt un hett de Hööftrull ehr Kollegin Kate Mulgrew överlaten.
Se weer vun 1967 bit 1973 mit den Filmspeelbaas Paul Almond verheiraat un hett mit em en Söhn, Matthew Almond.
Filmografie (Utwahl) Johr Titel Synchroonsnacker 1963 Amanita Pestilens 1964 La fleur de l’âge, ou Les adolescentes 1966 La guerre est finiedt.: Der Krieg ist vorbei Angelika Bender 1966 Le roi de coeurdt.: Herzkönig 1967 Le voleudt.: Der Dieb von Paris Monika Barth 1968 Isabel Arianne Borbach (Synchro 1989) 1969 Anne of the Thousand Daysdt.: Königin für tausend Tage Marianne Lutz 1970 Act of the Heart 1971 The Trojan Womendt.: Die Troerinnen Maddalena Kerrh 1973 Kamouraskadt.: Kamouraska – Eine mörderische Liebe Helga Anders 1974 Earthquakedt.: Erdbeben Marianne Lutz 1976 Swashbucklerdt.: Der scharlachrote Pirat Cornelia Meinhardt 1976 Obsessiondt.: Schwarzer Engel Cornelia Meinhardt 1977 Un autre homme, une autre chancedt.: Ein anderer Mann, eine andere Frau 1978 Coma Marianne Lutz 1980 The Last Flight of Noah’s Arkdt.: Bruchlandung im Paradies 1980 Final Assignmentdt.: Der eiserne Vorhang 1982 Monsignor Susanna Bonaséwicz 1984 Tightropedt.: Der Wolf hetzt die Meute Brigitte Grothum 1988 The Modernsdt.: Wilde Jahre in Paris Anita Lochner 1988 Dead Ringersdt.: Die Unzertrennlichen Evelyn Maron 1990 False Identitydt.: Labyrinth der Vergangenheit 1991 Rue du Bac 1993 An Ambush of Ghosts 1996 Dead Innocentdt.: Stirb für mich 1996 The Adventures of Pinocchiodt.: Die Legende von Pinocchio Marianne Lutz 1999 Eye of the Beholderdt.: Das Auge 2002 La turbulence des fluides 2003 Finding Home 2004 Downtown: A Street Taledt.: Kids II – In den Straßen Brooklyns 2006 Disappearances 2006 Délivrez-moi 2009 The Trotsky 2012 Still Minedt.: Für immer dein Kerstin Sanders-Dornseif 2013 The Legend of Sarila, Stimm 2013 Northern Borders 2015 Chorus
Utteken De Schaupelersche weer bit hüüt (Stand: November 2010) för 21 Filmpriesen vörslahn, dorünner ok eenmol för den Oscar in de Kategorie Best Hööftdorstellersche för ehr Rull in Anne of the Thousand Days. Dörteihn Utteken hett se bit hüüt wunnen, dorünner: 1966: den Suzanne Bianchetti Award 1968: den Kanaadschen Film-Pries in de Kategorie Best Hööftdorsteller för Israel 1970: den Golden Globe in de Kategorie Best Hööftdorstellersche – Drama för Anne of the Thousand Days 1970: den Etrog in de Kategorie Best Hööftdorstellersche för Act of the Heart 1988: den LAFCA Award in de Kategorie Best Nevendorstellersche för Dead Ringers un The Moderns 2002: den Chloe Award 2003: den Pries för’t Levenswark vun’t Queens Film Festival
Weblenken
Indrag in de Canadian Film Encyclopedia
Kategorie:Schauspeler Kategorie:Börger von Kanada Kategorie:Fru Kategorie:Boren 1942