It fûgelskaai fan 'e Savannahgoarzen (Passerculus) heart ta de famylje fan 'e Amerikaanske goarsfûgels. It skaai is monotypysk en bestiet allinnich út de soarte Savannahgoars (Passerculus sandwichensis). De soarte komt wiidferspraat foar yn Noard-Amearika, fan Alaska en Kanada oant Meksiko en dielen fan Midden-Amearika. De ferskillende populaasjes ferskille sterk yn uterlik en wurde ferdield yn in grut tal ûndersoarten.
Skaaimerken De Savannahgoars is in lytse sjongfûgel mei in brún fearrekleed mei donkere streken. De ûnderkant is meastentiids wyteftich mei brune of swarte streken op it boarst en de flanken. Opfallend is it giele plak foar it each, dat lykwols net by alle populaasjes like dúdlik is. Mantsjes en wyfkes lykje yn it fearrekleed sterk opinoar.
Taksonomy De soarte wurdt tradisjoneel yndield yn fjouwer groepen: de savannah-groep, de sandwichensis-groep, de guttatus-groep en de rostratus-groep. Der is lykwols gjin ienriedigens oer de taksonomyske status fan dy groepen. Guon yndielingen beskôgje de guttatus-groep, de rostratus-groep en it takson sanctorum as aparte soarten, wylst oare yndielingen al dy foarmen ûnder Passerculus sandwichensis bringe. Ek it takson princeps is yn it ferline as in aparte soarte beskôge. DNA-ûndersyk lit lykwols sjen dat princeps tige nau besibbe is oan 'e nominaatgroep.
Soarte Ofbyld Fryske namme Wittenskiplike namme Fersprieding 120px Savannahgoars Passerculus sandwichensis Noard-Amearika, dielen fan Midden-Amearika en de Kariben
Kategory:Fûgelskaai Kategory:Amerikaanske goarsfûgel