De echte earnen (Aquila) foarmje in skaai fan grutte, krêftige rôffûgels út de famylje fan 'e haukfûgels (Accipitridae). It skaai waard yn 1760 wittenskiplik beskreaun troch de Frânske soölooch Mathurin Jacques Brisson. De wittenskiplike namme Aquila is it Latynske wurd foar "earn".
Skaaimerken De echte earnen hearre ta de grutste en meast ymposante rôffûgels fan 'e wrâld. Se ha brede, lange wjukken, in krêftige heaksnaffel en sterke klauwen. In wichtich ûnderskie mei oare earnen lykas de see-earnen binne de saneamde "broeken", de oant de teannen ta befearre poaten. Se hawwe poerbêste eagen en kinne fan grutte hichten ôf lytse oant middelgrutte proaidieren op 'e grûn waarnimme.
Fersprieding en biotoop It skaai hat in wrâldwiid ferspriedingsgebiet en komt foar yn Europa, Aazje, Afrika, Noard-Amearika en Austraalje. Harren habitat fariëarret fan iepen steppes en woastinen oant (yn it gefal fan 'e Afrikaanske haukearn) tichte bosken en hege berchgebieten. De measte soarten út de kâldere noardlike regio's binne trekfûgels, wylst de soarten yn waarmere klimaten faak stânfûgels binne.
Taksonomy De taksonomy fan it skaai Aquila hat de lêste jierren in soad feroarings ûndergien troch nij DNA-ûndersyk. In oantal soarten dy't foarhinne ta dit skaai rekkene waarden (lykas de krytearn en de bastertearn), binne hjoed-de-dei ûnderbrocht yn it aparte skaai fan de krytearnen (Clanga). Oarsom ferhûzen guon soarten út oare skaaien (lykas Hieraaetus) krekt nei Aquila oerbrocht.
Soarten It skaai telt alve soarten: Ofbyld Fryske namme Wittenskiplike namme Fersprieding IUCN-status 120px Afrikaanske haukearn Aquila spilogaster Afrika súdlik fan 'e Sahara net bedrigeAquila spilogaster op BirdLife 120px Cassins túfearn Aquila africana de reinwâlden fan West- en Sintraal-Afrika net bedrigeAquila africana op BirdLife 120px Haukearn Aquila fasciata Súd-Europa, Noard-Afrika en dwers troch Aazje oant Sina net bedrigeAquila fasciata op BirdLife 120px Keizerearn Aquila heliaca briedt fan Súdeast-Jeropa oant Sintraal-Aazje; oerwinteret yn Afrika en Súd-Aazje kwetsberAquila heliaca op BirdLife 120px Keningsearn Aquila chrysaetos Noard-Amearika, Jeropa, Aazje en Noard-Afrika net bedrigeAquila chrysaetos op BirdLife 120px Kylsturtearn Aquila audax Austraalje en súdlik Nij-Guinea net bedrigeAquila audax op BirdLife 120px Molukkenearn Aquila gurneyi Nij-Guinea en de Molukken hast bedrigeAquila gurneyi op BirdLife 120px Savanne-earn Aquila rapax Afrika súdlik fan 'e Sahara, it Midden-Easten en Yndia kwetsberAquila rapax op BirdLife 120px Spaanske keizerearn Aquila adalberti it Ibearysk Skiereilân (Spanje en Portugal) en Marokko kwetsberAquila adalberti op BirdLife 120px Steppe-earn Aquila nipalensis briedt yn Sintraal-Aazje en East-Jeropa; oerwinteret yn Afrika en Súd-Aazje bedrigeAquila nipalensis op BirdLife 120px Swarte earn Aquila verreauxii East- en Súd-Afrika en it Midden-Easten net bedrigeAquila verreauxii op BirdLife
Kategory:Haukfûgel Kategory:Fûgelskaai