Machatsjkala (Russysk: Махачкала) is de haadstêd fan 'e Russyske republyk Dagestan. De stêd leit oan 'e westkust fan 'e Kaspyske See en oan 'e foet fan 'e Kaukasus. It is ien fan 'e fluchst groeiende stêden fan Ruslân en it wichtichste ekonomyske en kulturele sintrum fan 'e regio.
Skiednis De stêd waard yn 1844 stifte as de nei Peter de Grutte ferneamde Russyske fêsting Petrovskoje, dy't it gebiet yn 1722 besocht hie. Yn 1857 krige de delsetting stedsrjochten en waard de namme feroare yn Petrovsk-Port. Troch de oanlis fan 'e haven en it spoar ferbûn de stêd de Kaukasus mei de rest fan it ryk, wat soarge foar in rappe groei fan 'e hannel.
Nei de Russyske Revolúsje waard de stêd yn 1921 de haadstêd fan de Dagestaanske Autonome Sosjalistyske Sovjetrepublyk. De namme waard doe feroare yn Machatsjkala, ta eare fan de Dagestaanske revolúsjonêr Magomed-Ali Dachadajev (bynamme 'Machatsj').
Yn 1970 waard de stêd troffen troch in swiere ierdskodding en in soad minsken waarden twongen om de stêd wer op te bouwen. Troch út útinoar fallen fan 'e Sovjet-Uny yn 1991 hie de stêd te meitsjen mei konflikten yn 'e noardlike Kaukasus. Nettsjinsteande dy ûnrest hat de stêd in massive befolkingsgroei trochmakke, foaral trochdat in soad minsken fan it plattelân nei de stêd ferfearen.
Stêdsyndieling Machatsjkala bestiet út trije distrikten (rajony):
Leninski-rajon Sovjetski-rajon Kirovski-rajon
Ekonomy Machatsjkala is in wichtige havenstêd oan 'e Kaspyske See. De ekonomyske bestiet út oaljeraffinaazje, metaalferwurking en tekstylyndustry. De haven wurdt brûkt foar fearboaten tusken Ruslân, Iran, Turkmenistan en Kazachstan.
Befolking De befolking fan Makhatsjkala is tige ferskaat en bestiet út mear as 60 ferskillende etnyske groepen. De grutste groepen binne de Avaren, Darginen, Kûmukken, Lezgjinnen en Laken. De dominante religy is de islam (sûnnisme).
Befolkingsûntwikkeling Jier 1897 1926 1939 1959 1970 1979 1989 2002Ynwenners 10.000 33.552 86.836 119.334 185.863 251.371 317.475 462.412Jier 2010 2015 2020 2025 Ynwenners 572.076 583.233 603.518 625.322
Sport De ferneamdste fuotbalklup fan 'e stêd is Anzji Machatsjkala. Yn 2011 kocht de miljardêr Suleyman Kerimov wrâldstjerren lykas Samuel Eto'o en Roberto Carlos en wie de Nederlânske trainer Guus Hiddink sûnt 2012 dêr trainer en fise-foarsitter. Nei dy gouden jierren rekke de klup lykwols yn 'e finansjele swierrichheden. It Stadion Dinamo leit yn it sintrum fan 'e stêd en is it histoaryske hert fan 'e sport yn Machatsjkala.
De regio stiet bekend om it leverjen fan olympysk kampioenen yn it frije-styl wrakseljen.
Kategory:Plak yn Jeropeesk Ruslân Kategory:Dagestan Kategory:Plak stifte yn 1844