Joäsj (Hebriuwsk: יוֹאָשׁ) is in bibelsk persoan út it Alde Testamint. Hy wie in man út it skaai fan Abiêzer, dy't hearde by de stamme Manasse. Hy wennet yn Ofra en is foaral bekend as de heit fan 'e rjochter Gideön. Joäsj en de Baältsjinst Joäsj wie nei alle gedachten yn Ofra in man fan oansjen. Hy hie in eigen alter dat wijd wie oan 'e ôfgod Baäl, dêr't ek in Asjearapeal by stie. Doe't syn soan Gideön nachts yn opdracht fan God it alter fan Baäl omsloech en de Asjerapeal omkapte, wienen de manlju fan 'e stêd de oare moarns tige lilk. Hja easken fan Joäsj dat er syn soan útlevere oan har om him te deadzjen.
De ferdigening fan Gideön Joäsj wie lykwols dapper en wiis en naam it foar syn soan op troch net de fernieling te ûntkennen, mar troch de macht fan Baäl sels yn twifel te lûken. Hy sei tsjin de lilke mannichte: "Wolle jimme it foar Baäl opnimme? As er in god is, lit er dan foar himsels stride tsjin dejinge dy't syn alter omgoaid hat."
Troch dy útspraak koe Joäsj de lilke kliber folk delbêdzje en waard Gideön sparre. Fanwegen dat foarfal krige Gideön de bynamme Jerûbbaäl, wat betsjut: "Lit Baäl tsjin him stride".
De dea fan Joäsj Joäsj moat in machtich man west hawwe, want de Bibel neamt dat er tsien feinten hie dy't Gideön holpen by it ôfbrekken fan it Baälalter. Hy stoar op hege leeftyd en waard begroeven yn syn wenplak Ofra. Letter, nei de dea fan Gideön, waard ek syn ferneamde soan yn it famyljegrêf fan Joäsj byset.
Kategory:Persoan yn it Alde Testamint Kategory:Israelitysk persoan Kategory:Persoan berne yn de 12e iuw Kategory:Persoan stoarn yn de 12e iuw