It fûgelskaai echte mosken (Passer) heart ta de famylje moskfûgels (Passeridae) en omfiemet ek de by ús bekende húsmosk (Passer domesticus) en fjildmosk (Passer montanus).
De soarte komme foar yn Euraazje en Afrika, mar in pear soarten (fral de húsmosk) komme troch yntroduksje ek yn oare dielen fan 'e wrâld foar.
Echte mosken binne lytse oant middelgrutte sjongfûgels fan 12 oant 17 sintimeter. Se ha koarte poaten en in sterke, tsjokke snaffel dy't oanpast is oan it iten fan sied. Yn 'e briedtiid ite de mosken foar it grutbringen fan 'e jongen ek ynsekten. It binne lykwols opportunistyske iters en se meitsje ek gebrûk fan iten dat minsken oanbiede.
Mosken binne sosjaal en libje faak yn groepen of koloanjes. Bûten it briedseizoen foarmje se ek grutte swarmen. In soad soarten binne echte kultuerfolgers en hawwe har goed oanpast oan it libben yn stêden en agraryske gebieten. In soad soarten binne kultuerfolgers.
De nêsten fan mosken sitte yn holtes fan beammen, gebouwen en nêstkasten. It nêst bestiet út gers, strie, fearkes en oar sêft materiaal. De aaien binne faak ljocht mei donkere spikkels.
It fearrekleed fan 'e soarten bestiet meastentiids út brún, griis en swart. Yn 'e regel binne mantsjes wat kontrastriker as wyfkes. De sang is ienfâldich en bestiet út koarte ropkes, it tsjilpen.
Soarten It skaai telt 28 soarten:
Abd-al-Kurimosk (Passer hemileucus) Arabyske goudmosk (Passer euchlorus) brúnrêchgoudmosk (Passer luteus) fjildmosk (Passer montanus) gielbúkmosk (Passer flaveolus) Italiaanske mosk (Passer italiae) jiskemosk (Passer swainsonii) Kaapverdyske mosk (Passer iagoensis) Kaapske mosk (Passer melanurus) Karakûmmosk (Passer zarudnyi) kastanjemosk (Passer eminibey) Kordofanmosk (Passer cordofanicus) Masaimosk (Passer rufocinctus) Moäbmosk (Passer moabiticus) (gewoane) mosk of húsmosk (Passer domesticus) noardlike griiskopmosk (Passer griseus) readkopmosk (Passer cinnamomeus) rustmosk (Passer motitensis) saksaûlmosk (Passer ammodendri) savannemosk (Passer shelleyi) Sindmosk (Passer pyrrhonotus) Sokotramosk (Passer insularis) Somalyske mosk (Passer castanopterus) Spaanske mosk (Passer hispaniolensis) Swahilymosk (Passer suahelicus) súdlike griiskopmosk (Passer diffusus) tsjoksnaffelmosk (Passer gongonensis) woastynmosk (Passer simplex)
Kategory:Moskeftige Kategory:Fûgelskaai