De Herne (Den Hoorn; Teksels: De Hoore) is in lyts doarp op it eilân Teksel, yn de provinsje Noard-Hollân yn Nederlân. It is it súdlikste doarp op it eilân; mei allinnich de útbuorren fan de fearhaven fan It Herntsje súdliker. It doarp leit oan 'e râne fan in útwreide dúngebiet. De jeugdherberch De Stolp leit krekt bûten it doarp.
Skiednis De oarspronklike delsetting op it plak fan it hjoeddeiske De Herne (De Alde Herne) waard yn 1398 ôfbaarnd by de Hoekske en Kabbeljauske Tsierderijen. It hjoeddeiske De Herne lei earst fuort oan 'e kust, mar ferskode stadichoan nei it binnenlân as gefolch fan lânoanwinning. De ynwenners libben earst fan lânbou, fiskerij en feehâlderij. Fan 'e 17e iuw ôf waard ynternasjonale keapfardij in wichtige ekonomyske sektor. In protte ynwenners fan De Herne wurken yn dy perioade as loadsen. Dy yndustry naam yn belang ôf, nei de oanlis fan it Noard-Hollânsk Kanaal (foltôge yn 1824) en it Noardseekanaal (foltôge yn 1875). In protte ynwenners fûnen doe wurk yn 'e nij opkommende blomkweekyndustry.
Bezienswaardigheden De Herne hat 21 kulturele monuminten dy't oanwiisd binne as Ryksmonuminten. Grif is de bekendste de tsjerke fan 'e stêd, mei syn karakteristike wite toer, boud tusken 1425 en 1450.
Bekende persoanen Bart Schenkeveld (* 1991), fuotballer
Keppelings om útens
Webside fan 'e stêd (Nederlânsk)
Kategory:Plak op Teksel