Moerdijk is in gemeente yn 'e provinsje Noard-Brabân mei () ynwenners op in oerflak fan 118,38 km² (wêrfan 24,86 km² wetter). De gemeente is op 'e gemeenten Lân fan Cuijk, Meierijstêd en Altena nei de grutste Brabânske gemeente wat oerflak oanbelanget. It haadplak fan 'e gemeente is Zevenbergen.
Namme De namme is ôflaat fan moor-dicken. Moor of moer betsjut sompe dêr in soad fean is. In turfdyk waard oanlein om in (tydlike) polder yn it fean te meitsjen om sâlt te winnen.
Kernen Op 1 april 1998 is de namme fan 'e gemeente Zevenbergen feroare yn Moerdijk. Flak foar dy tiid, nammentlik op 1 jannewaris 1997, waarden de gemeenten Fijnaart en Heijningen, Klundert, Standdaarbuiten en Willemstad by de de gemeente Zevenbergen weryndield. Yn Zevenbergen stiet it gemeentehûs.
De gemeente bestiet út de folgjende plakken:
Fijnaart Heijningen Helwijk Klundert Lage Zwaluwe Langeweg (hearde earder foar de helte by de gemeente Terheijden en foar de helte by de gemeente Zevenbergen) Moerdijk (earder ferdield oer de gemeente Klundert en de gemeente Hooge en Lage Zwaluwe) Noordhoek Standdaarbuiten Willemstad Zevenbergen – De haadplak fan de gemeente. Zevenbergschen Hoek
Fierder lizze yn 'e gemeente de folgjende buorskippen: Binnen-Moerdijk, Drie Hoefijzers, Hoekske, Kreek, Nieuwemolen, Noordschans, Oudemolen, Pelikaan, Roodevaart, Strooiendorp, Tonnekreek, Zwingelspaan.
Yndustryterrein Westlik fan it doarp Moerdijk leit in grut seehavengebiet dat fan 'e Moerdijkbrêgen te sjen is. Dêr is Shell Gemy û.o. fêstige. De lokaasje hat ferbiningen mei it spoar en mei it pipelinenetwurk fan Antwerpen nei Rotterdam.
It besjen wudich thumb|left|Willemstad. Willemstad is in goed bewarre festingstedsje mei in stjerfoarmich ferdigeningswurk. Fort de Hel waard yn 'e 19e iuw troch de Frânsen boud.
Musea It Museum Zevenbergen is ûnderbrocht yn in 18e-iuwske pleats en giet oer it libben yn Zevenbergen. Ek is der in museumwinkeltsje.
Yn Klundert stiet it Nasjonale Flaaks- en Sûkermuseum. It museum lit sjen hoe't flaaks ferwurke wurdt ta linnen en hoe't sûkerbiten omset wurde yn sûker. It jout in ynsjoch yn de yndustriële skiednis fan de regio.
De Wettersneedwente fan Heijningen is in houten wente, dy't nei de Wettersneedramp fan 1953 troch Sweden skonken is. It hûs is restaurearre yn de orizjinele steat fan 'e jierren 1950 en der is in permaninte útstallling oer de ramp en de ynfloed op 'e gemeente Moerdijk.
It Besikerssintrum Mauritshûs & Erfgoedmuseum De Hiemkundesouder yn Willemstad ynformearret oer de skiednis fan Willemstad en de Suderwetterliny.
Natoer thumb|left|Natoer by Klundert. Natuerpark de Appelzak is in lyts, mar bysûnder natoergebiet tusken it doarp Moerdijk en it yndustrygebiet. It hat bosk, in rike floara en in lyts strân en tsjinnet as griene buffer. Tonnekreek en de Kleine Ton is in gebiet mei wetter en reidfjilden, wichtich foar fûgels en oare wetterbisten. De Sabina Henricapolder is in poldergebiet by Heijningen mei iepen lânskippen en in ryk fûgelbestân. Buitengorzen en Ruigenhil binne natoergebieten by Klundert, dy't troch de iuwen hinne ûntstien binne en in ferskaat oan planten en bisten ha.
It Nasjonale Park De Biisbosk leit net yn 'e gemeente, mar der binne famút de gemeente wol rekreative ferbiningen lykas ponten en fytspaden nei it natoergebiet.
Kategory:Gemeente yn Noard-Brabân Kategory:Bestjoerlike ienheid oprjochte yn 1997