Kakapofûgels (wittenskiplike namme: Strigopidae) foarmje in famylje fan it skift fan 'e pappegaai-eftigen (Psittaciformes) en de monotypyske boppefamylje fan 'e Nijseelânske pappegaaien (Strigopoidea). De soarten yn 'e famylje binne allegear endemysk yn Nij-Seelân en ferskate omlizzende eilannen yn it súdwesten fan 'e Grutte Oseaan, te witten de Chathameilannen, Norfolk en Phillip Island.
De famylje bestiet út teminsten trije skaaien pappegaaien: Nestor, Strigops, it fossile skaai Nelepsittacus en mooglik it fossile skaai Heracles. It skaai Nestor bestiet út de keä, de kaka, de Norfolkkaka en de Chathamkaka. It skaai Strigops bestiet allinne út de ikoanyske kakapo. De fûgelnammen keä, kaka en kakapo komme fan it Maoary. thumb|left|Hjoeddeiske fersprieding fan 'e besteande soarten en de eardere fersprieding fan 'e twa resint útstoarne soarten.
Alle noch besteande soarten binne endemysk yn Nij-Seelân. De soarten fan it skaai Nelepsittacus wiene endemysk op 'e haadeilannen, wylst de twa útstoarne soarten fan it skaai Nestor op 'e oseänyske eilannen fan 'e Chathamarsjipel, Norfolk en it oanbuorjende Philip Island libben.
De Norfolkkaka en de Chathamkaka stoaren resint út, wylst de soarten fan it skaai Nelepsittacus 16 miljoen jier lyn útstoaren. Alle besteande soarten, de kakapo, keä en de twa ûndersoarten fan 'e kaka wurde bedrige. De minske foarme de oarsaak fan it útstjerren fan 'e twa soarten en it tebekrinnen fan 'e oare trije soarten. Kolonisten brochten bargen, katten, foksen, harmelingen, rotten en opossums mei, dy't aaien fan 'e op 'e grûn briedende fûgels opfrieten. Ek de jacht op 'e fûgels om se op te iten of de bestriding om 't se in pleach foar boeren wiene, binne oarsaken fan 'e tebekgong.
List kakapofûgels kakapofûgels Ofbyld wittenskiplike namme Fryske namme Status kakapo's (Strigops)120px Strigops habroptila kakapo kritykkaka's (Nestor)120px Nestor notabilis keä bedrige120px Nestor meridionalis kaka kwetsber120px Nestor chathamensis Chathamkaka † útstoarn tusken 1500-1650 120px Nestor productus Norfolkkaka † útstoarn 1e helte 19e iuw
Kategory:Fûgelskaai Kategory:Pappegaai-eftige