Hans Galjaard (Leien, 8 april 1935 - 26 oktober 2022) wie in Nederlânsk heechlearaar yn de humane genetika. Hy wie in dokter en ûndersiker dy't by it grutte publyk troch geregelde tv-optredens wat bekendheid hie. Hans Galjaard wie de heit fan diskjockey Erland Galjaard.
Libben en wurk Galjaard studearre genêskunde oan de Leidske universiteit en promovearre (cum laude) yn 1962. Nei in perioade fan ûndersyk yn de radiobiology yn Harwell (Ingelân) en by it Medisch Biologisch Laboratorium RVO/TNO yn Rijswijk waard er yn 1965 belutsen by de oprjochting fan de Medyske Fakulteit Rotterdam ûnder lieding fan prof. dr. Andries Querido.
Fan 1968 oant 1993 wie Galjaard heechlearaar en ôfdielingshaad selbiology oan de Erasmus Universiteit Rotterdam. Yn dy perioade rjochte er syn omtinken op de prenatale diagnostyk, wêrby't sykten of ôfwikingen al by it noch net berne bern fêststeld wurde kinne. Letter waard er ôfdielingshaad klinyske genetika oan de Erasmus Universiteit Rotterdam.
Dêrneist wie er lid fan de Kommisje bio-etyk fan UNESCO en naam er sitting yn de Kommisje Terlouw oer genetysk modifisearre iten. Ek fertolke er syn wittenskiplike rol yn telefyzjeprogramma's lykas Wille wij weten (NCRV, 1981), Erfelijkheid en jij: Een film over erfelijkheid en aangeboren afwijkingen (1990) en Alle mensen zijn ongelijk (VARA, 1994).
Yn 1997 krige er de Van Walree Priis fan de Keninklike Nederlânske Akademy fan Wittenskippen. In memoriam, Erasmus MC
Yn 2000 waard oan Galjaard de Van Oldenbarneveltpenning takend; dat is de heechste gemeentlike ûnderskieding fan de stêd Rotterdam. Syn ôfskiedskolleezje joech er yn 2001.
Galjaard ferstoar yn de âldens fan 87 jier.Hans Galjaard (87), vader van Erland Galjaard, overleden; Algemeen Dagblad, 27 oktober 2022Geneticus prof. dr. Hans Galjaard overleden, yn Medisch Contact
Boeken Galjaard, H.: Histochemisch en interferometrisch onderzoek van hyalien kraakbeen. Proefskrift, Leiden 1962. Diagnostiek en prenataal onderzoek van aangeboren afwijkingen (1976) () Voorkomen is beter dan niet genezen : medische- en psychosociale voorlichting over erfelijkheid en aangeboren afwijkingen (1977) () Genetic metabolic diseases : early diagnosis and prenatal analysis (1980) () Het leven van de Nederlander (1981) () The Future of prenatal diagnosis (1982) () Ziekte en erfelijkheid (1982) () Neuraalbuisdefecten (1988) Denkers over dilemma's (1988) () Alle mensen zijn ongelijk: de verschillen en overeenkomsten tussen mensen : hun erfelijke aanleg, gezondheid, gedrag en prestaties (1994) () Erfelijke aanleg; noodlot of perspectief? (1995) () Prenatal testing : new developments and ethical dilemmas (2004) () Gezondheid kent geen grenzen + DVD; erfelijkheid en de toepassingen van DNA-technologie (2008) ()
Kategory:Nederlânsk genetikus Kategory:Nederlânsk heechlearaar Kategory:Nederlânsk publisist Kategory:Heechlearaar oan de Erasmus Universiteit Rotterdam Kategory:Persoan berne yn 1935 Kategory:Persoan stoarn yn 2022