Frans Frederiks Felkers (Winsum, 1 novimber 1835 – dêre, 21 jannewaris 1877) wie de jongste, mar ek meast talentearre keatser, fan in trijetal broers dy’t yn it tredde part fan de 19e iuw ta de meast foaroansteande keatsers yn Fryslân hearden. Mei syn broer Johannes (Frjentsjer, 11 augustus 1822) wûn hy yn 1856 foar it earst de PC. In jier letter stie hy mei syn bruorren Johannes en Pieter yn de finale fan de PC tsjinoer de bruorren Boorsma fan Tsjummearum. In partij dy’t neffens it Franeker Nieuws en Advertentieblad fan 6 augustus 1857 “ten aanschouwe van duizenden belangstellenden” pas nei sânen ôfrûn wie. It waard in oerwinning foar de Boorsma’s. Yn 1863 stiet hy yn de finale fan de PC tsjinoer syn beide bruorren en disse kear gie er mei de krânse nei hûs. Hy wûn de priis nochris yn 1864 en de preemje yn 1867, 1868 en 1870. Frans Felkers keatste 14 kear op de PC en behelle dêr mei-inoar 17 punten.
Prizen 1856 - PC 1e priis 1857 - PC 2e priis 1863 - PC 1e priis 1864 - PC 1e priis 1867 - PC 2e priis 1868 - PC 2e priis 1870 - PC 2e priis
Kategory:Frysk keatser Kategory:Persoan berne yn Winsum (Fryslân) Kategory:Persoan stoarn yn Winsum (Fryslân) Kategory:Persoan berne yn 1835 Kategory:Persoan stoarn yn 1877