De Philip K. Dick Award is in Amerikaanske literatuerpriis dy't elts jier útrikt wurdt oan 'e skriuwer fan 'e bêste science fiction-paperback dy't it foargeande jiers yn 'e Feriene Steaten publisearre is. De priis is ferneamd nei de bekende science fiction- en fantasyskriuwer Philip K. Dick, en waard ynsteld yn 1983, in jier nei syn ferstjerren. De tawizing fan 'e Philip K. Dick Award is yn 'e hannen fan 'e Philadelphia Science Fiction Society te Philadelphia, en wurdt sûnt 2005 finansjeel ûnderstipe troch de Philip K. Dick Trust. De útrikking fynt plak op 'e science fiction-konvinsje Norwescon. Foar in folsleine list mei alle winners en nominearden, sjoch op dizze side, op 'e Ingelske Wikipedy.
Keppelings om utens Offisjele webside fan 'e Philip K. Dick Award
Kategory:Science fiction-priis Kategory:Amerikaanske literatuerpriis Kategory:Priis of ûnderskieding ynsteld yn 1983