Nikki Anderson, echte namme: Nikoletta Prusinszky (11 maart 1977), is in rêstend Hongaarsk fotomodel, neakenmodel, stripper en pornografysk aktrise fan etnysk Slowaaksk komôf, wa har namme oft ek wol (mis)stavere wurdt as Nicki Anderson, Nikki Andersson, Nikky Andersson en Nici Anderson.
Libben Nikki Anderson wurke as kosmetika- en linzjerymodel en teffens as stripper foar't se yn 1996, op har njoggentjinde, ûntdutsen waard troch de Frânske pornoregisseur Pierre Woodman. Dy beprate har om noch datselde jiers har debút as pornoaktrise te meitsjen yn syn pornografyske film The Pyramid 3, in superproduksje fan it Sweedske Private-label, dy't yn Egypte opnommen waard. Anderson sleat in kontrakt ôf mei Private en spile sadwaande ek dêrnei noch in protte yn Private-films, yn 't earstoan útslutend ûnder rezjy fan Woodman, mar dy leafde bekuolle yn 1997, doe't har agint ûnder de opnamen fan The Fugitive 2, yn Austraalje, mei Woodman deilis rekke. Neitiid wurke Anderson foar regisseurs as Christophe Clarke, Marc Dorsel en Rocco Siffredi.
Ein 1997 stiek se de Atlantyske Oseaan oer nei de Feriene Steaten, dêr't se wurke foar sokke foaroansteande labels as Sin City, Evil Angel, Wicked Pictures, Elegant Angel en Adam & Eve. Yn totaal spile se neffens de Internet Adult Film Database (IAFD) yn mear as 100 pornofilms. Har aktearwurk waard bekroane mei twa Hot d'Ors (de wichtichste Jeropeeske pornografypriis), dêr't se ien fan wûn yn 1997 (foar bêste Jeropeeske stjer) en de oare yn 1999 (foar bêste Jeropeeske aktrise). Njonken har aktearwurk posearre se ek in soad foar neakenblêden; sa stie se yn 2000 yn 'e Penthouse, doe't se de Penthouse Pet fan 'e moanne maaie wie. Yn 2004 loek Anderson har werom út 'e pornoyndustry om yn in foarstêd fan 'e Hongaarske haadstêd Boedapest in gesin te stiftsjen.
Prizen en nominaasjes Jier Priis Resultaat Kategory Foar har optreden yn1997Hot d'Orwûnbêste Jeropeeske stjerSweet Lady1999Hot d'Orwûnbêste Jeropeeske aktriseL'Enjeu du Desir2000FICEB Ninfa Awardwûnbêste lesbyske sêne (mei Kate More en Silvia Saint)Alexia and Cie
Keppelings om utens Biografy en filmografy fan Nikki Anderson yn 'e Internet Movie Database (IMDb) Biografyske gegevens en filmografy fan Nikki Anderson yn 'e Internet Adult Film Database (IAFD)
Kategory:Hongaarsk model Kategory:Hongaarsk neakenmodel Kategory:Hongaarsk stripper Kategory:Hongaarsk froulik pornoakteur Kategory:Penthouse Pet Kategory:Hongaarsk persoan fan Slowaaksk komôf Kategory:Persoan berne yn 1977