thumb|300px|right|Sicht op de toer thumb|300px|right|Van Eijsingaleane-Sibadawei'' thumb|300px|De Martinytsjerke yn Easterein thumb|300px|right|Kafee en pastorije
Easterein is in Frysk doarp dat midden yn 'e Greidhoeke leit en diel útmakket fan 'e gemeente Súdwest-Fryslân. Foarôfgeande oan 'e gemeentlike weryndieling fan 1 jannewaris 2018 hearde it ta Littenseradiel, en foar de weryndieling fan 1984 lei it yn Hinnaarderadiel. It sintrum fan it doarp hat de status fan beskerme doarpsgesicht. Easterein wurdt ek wol it filmdoarp neamd, om't it yn ferskate films as dekôr tsjinne hat. Opfallend yn 'e buorren wiene eartiids de wipbrêgen dy't no ferfongen binne troch fêste stiennen brêgen. Oan de westkant fan it doarp is yn de jierren '90 noch in nijbouwyk komd. Op 1 jannewaris 2017 hie Easterein 964 ynwenners. De plaknamme 'Easterein' is yn 1991 offisjeel yn it Frysk fêststeld.
Bouwurken It meast opfallend yn it doarp is de Martinytsjerke. De tsjerke is foar it meastepart midsiuwsk (13e iuw) en hat de âldste (1400) sakristy fan Fryslân. Fierder falt de seldsume kreake út 1554 mei ryk houtfykwurk út de tiid fan de rennêssânse op. Yn de tsjerke sit ek noch in hearebank út de 17e iuw.
It eardere (gereformearde) tsjerkegebou yn it doarp, wurdt as wenning mei keunstromte brûkt. Tsjerke is iepen op oanfraach, en eltse freed fan 13:30 oant 17:00 (mrt-okt)
Súdlik fan it doarp stiet de Rispenserpoldermûne, in oarspronklik ut 1821 datearjende grûnsiler.
Mienskip Easterein hat in nij multyfunksjoneel sintrum. Hast alle ferienings út it doarp sitte dêryn, lykas pjutteboartersplak De Poaskepôle en keatsferiening. Sa kinne sport, kultuer, soarch en wolwêzen alle kanten op. Mei útsûndering alle tsjerkelike aktiviteiten, dizze fine plak yn de romte fan de monumintale Martinytsjerke. It gebou is net geskikt foar gelegenheden fan persoanlike aard (feestkes, begraffenissen ensfh.). Yn 2000 binne de earste plannen betocht. Yn 2005 binne de finansjele saken regele. It gebou is betelle mei subsydzje en bydragen fan ferienings, en Tsjerke hat 150.000 euro stoart. Ek de bewenners fan Easterein ha meiholpen.
Der is fierders in basisskoalle, dêr't ek de bern fan Hidaard hinne geane. Sporthal De Greidhoeke is sûnt 1977 de sportlokaasje foar de ferienings út it doarp en fan 'e eardere gemeente Littenseradiel. Nije ynwenners krije fan Doarpsbelang it ynformaasjeboekje 'Hâld Faasje'. Yn 1995 ferskynde in boekje oer Easterein.
Op de fjirde woansdei fan july wurdt yn Easterein de troch it KNKB organisearre Jong-Feintepartij ferkeatst.
Ferienings De Tsjerne - jeugdhonk Wilhelmina - muzykferiening Keatsferiening Easterein Oranje en It Heitelân - oranjeferiening Fuort mar los - toaniel Kaart en biljertklup manlju T.D.K.K.O.'e.K. (troch de knibbels kin op e keu)- biljertklup froulju De Spearders - darten KF Easterein - keatsen ODI - gymnastyk Fuotbalferiening SDS COVOS - Follybalferiening
Berne Herman Ridderbos (1909-2007), predikant, teolooch en heechlearaar Oepke Noordmans (1871-1956), dûmny en Nederlânsk teolooch Marten L. de Boer (1940-2002), learaar, dûmny, skriuwer Andries Joustra (1919-1944), fersetsstrider omkaam yn Kamp Vught
Befolking 1954 - 1071 (ynklusyf Readtsjerk) 1959 - 879 1964 - 858 1969 - 838 1974 - 884 2004 ±1000 2007 - 950
Ynfrastruktuer
Bustsjinst Troch Easterein rint de folgjende busline:
Line 38: Hidaard - Snits fia Wommels
De busline troch Easterein wurdt fersoarge troch Qbuzz.
Strjitten 't Heechhiem, 't Kleaster, A Joustrastrjitte, De Ljits, De Singel, De Streek, Dobbelân, Eeskwert, Fabrykswei, Foarbuorren, Grieneleane, Hofsleane, It Risplân, Koaifinne, Meilahuzen, Populiereleane, Sibadawei, Sjaardaleane, Skilplein, Skippersbuorren, Skoallestrjitte, Skrok, Smidslân, Stittenserleane, Tsjerkebuorren, Van Eijsingaleane, Vrijburg, Wynserdyk.
Sjoch ek Beskerme steds- en doarpsgesichten yn Fryslân Fryske doarpen.
Galery
Kategory:Doarp of stêd yn Hinnaarderadiel Kategory:Doarp of stêd yn Littenseradiel Kategory:Doarp of stêd yn Súdwest-Fryslân