Nieuwdorp (Siuwsk: Nieuwdurp) is in doarp yn 'e gemeente Borsele yn 'e Nederlânske provinsje Seelân. It doarp hat 1.350 ynwenners (2026). Oant 1970 behearde Nieuwdorp by de gemeente 's-Heer Arendskerke.
Skiednis Nieuwdorp is nei alle gedachten as doarp ûntstien yn in hoeke fan 'e West-Kraaijertpolder, koart nei it drûchlizzen fan 'e kwelders yn 1642. It stik lân dêr't de lânmeters de omtrek fan it plein útset hiene, wie net geskikt as lânbougrûn; it lei ynsletten tusken de nije seedyk en in ôfdamme wetterke. Sechtich jier letter stiene der al sa'n tweintich hûskes om dat plein hinne, mei in herberch, in smidterij en in weinmakkerij.
Nieuwdorp hat nea in selsstannige gemeente west, al hawwe de ynwenners ferskate kearen besocht har fan 's-Heer Arendskerke ôf te skieden. Der wie gjin tsjerke, gjin skoalle en sels gjin mûne om nôt te meallen; foar al dy saken moasten de ynwenners nei it buordoarp 's-Heerenhoek. Net earder as yn 'e rin fan 'e njoggentjinde ieu krige Nieuwdorp mear foarsjennings. Yn 1866 krige it doarp in eigen tsjerke. Dêrnei woeks de befolking yn in frij heech tempo. Om dy oanwaaks op te fangen, ûntstiene der nije wenkearnen lykas de Citadel en Coudorp. Yn 'e earste helte fan 'e tweintichste ieu groeide Nieuwdorp út ta in echt doarp.
Befrijingsmuseum Yn Nieuwdorp stiet it Befrijingsmuseum Seelân. It museum betinkt en dokumintearet de skiednis fan 'e Twadde Wrâldkriich en de befrijing fan Seelân troch de alliearden.
Kategory:Plak yn Borsele