Die Lafayette-teater, plaaslik bekend as the House Beautiful, was een van die bekendste teaters in Harlem, New York. Dit was geleë op die hoek van 132nd Street en Seventh Avenue. Die gebou is in 2013 afgebreek.
Vroeë jare Die Lafayette-teater was 'n tweeverdiepinggebou in die Renaissanceboustyl met 1 500 sitplekke wat deur die bankier Meyer Jarmulowsky gebou en sy deure in November 1912 geopen het. In 1913 het dit die eerste groot teater in die VSA geword wat vir alle rasse oopgestel is.
Afro-Amerikaners is toegelaat om in gewone stoele te sit pleks van op die balkon soos in ander teaters. Die Lafayette Players, die teater se vaste toneelgeselskap, het voor feitlik heeltemal swart gehore opgetree in toneelstukke uit wit teaterrepertoriums en in klassieke werke. Die show wat as Darktown Follies bekend geword het, is in 1913 opgevoer. Dit en ander gesofistikeerde produksies met swart akteurs het gehelp om wit teatergangers na Bo-Manhattan te lok.
Projekte links|thumb|Duke Ellington in 1946.|153px In 1923 het Duke Ellington sy New Yorkse debuut in 'n groep van Wilbur Sweatman by die Lafayette gemaak en later het hy met sy eie groep daar opgetree. Hy en sy orkers het ook in Oktober 1927 daar saam met die sangeres Adelaide Hall in Jazz Mania opgetree,Jazz Mania, October 1927, Lafayette Theater, Harlem:http://www.ellingtonweb.ca/Hostedpages/TDWAW/DropdownmenuDRAFT.html#aug27 met die eerste openbare opvoering van die bekende lied "Creole Love Call". Williams, Iain Cameron (2002). Underneath A Harlem Moon
Die Lafayette-teater het die hoogtepunt van sy roem bereik met die "Voodoo Macbeth", 'n opvoering van Shakespeare se Macbeth wat deur Orson Welles verwerk en van 14 April tot 20 Junie 1936 opgevoer is. Die hele geselskap was Afro-Amerikaans, van hulle bekende akteurs soos Canada Lee en Rose McClendon. Die produksie was voor die tyd al bekend as die "Voodoo Macbeth", omdat die omgewing van Skotland na 'n fiktiewe Karibiese eiland in Haiti verander en voodoobeelde gebruik is in die plek van die heksery in die oorspronklike toeneelstuk.
In 1951 is die gebou deur 'n kerkgroep gekoop. Die oorspronklike fasade is in 1990 vervang, tot die ontsteltenis van baie voorstanders van historiese bewaring. Die gebou is in 2013 afgebreek en vervang deur 'n woonstelblok van agt verdiepings met die naam Lafayette.
Verwysings
Bronne
Cullen, Frank; saam met Hackman, Florence, en McNeilly, Donald. "Lafayette Theatre in Harlem", Vaudeville Old & New: An Encyclopedia of Variety Performers in America (New York: Routledge Taylor & Francis Group, 2007):643 Dunlap, David W. "Williams Institutional C.M.E. Church", From Abyssinian to Zion (New York: Columbia University Press, 2004):294}}
Skakels Rolprentteaters ontwerp deur Victor Hugo Koehler. Stuart A. Rose Manuscript, Archives, en Rare Book Library, Emory-universiteit: "New Lafayette Theatre collection, 1968-2008"
Kategorie:Harlem Kategorie:Teaters