duimnael|300px|Tuisveld: Stadion Wojska Polskiego, Warskou Legia Warskou (Pools: Legia Warszawa; [ˈlɛɡʲja varˈʂava]) is ’n professionele sokkerklub uit Warskou, Pole. Legia is die mees suksesvolle Poolse sokkerklub in die geskiedenis, met ’n rekord van 15 Ekstraklasa-kampioenskappe, 21 Poolse Bekertitels, en 6 Poolse Superbeker-trofeë. Die klub se tuisveld is die Poolse Leërstadion (Stadion Wojska Polskiego). Legia is die enigste Poolse klub wat sedert die Tweede Wêreldoorlog nog nooit uit die hoogste afdeling gerelegeer is nie.
Legia is tussen 5 en 15 Maart 1916 tydens militêre operasies in die Eerste Wêreldoorlog gestig, as die hoofsokkerklub van die Poolse Legioene. Ná die oorlog is die klub op 14 Maart 1920 in ’n offisierskasino in Warskou heraktiveer as Wojskowy Klub Sportowy Warszawa, en in 1923 herdoop tot Legia ná ’n samesmelting met ’n ander plaaslike klub, Korona. Dit het toe die amptelike hoofsokkerklub van die Poolse Leër geword: Wojskowy Klub Sportowy Legia Warszawa (Militêre Sportklub Legia Warskou). Van 1949 tot 1957 was Legia bekend as CWKS Warszawa (Sentrale Militêre Sportklub Warskou).
Legia het aan al die belangrikste UEFA-toernooie deelgeneem, en hul beste prestasies was in 1970, toe hulle die halfeindronde van die Europese Beker bereik het, en in 1991, toe hulle die halfeindronde van die UEFA Bekerwenner-beker gehaal het.
Erelys Poolse sokkerkampioen (15) 1955, 1956, 1969, 1970, 1993, 1994, 1995, 2002, 2006, 2013, 2014, 2016, 2017, 2018, 2020, 2021
Poolse Cup (20) 1955, 1956, 1964, 1966, 1973, 1980, 1981, 1989, 1990, 1994, 1995, 1997, 2008, 2011, 2012, 2013, 2015, 2016, 2018, 2023
Verwysings
Eksterne skakels Amptelike klubwerf
Kategorie:Poolse sokkerklubs Kategorie:Warskou