Lachenalia salteri is 'n meerjarige blomdraende plant en bolagtige geofiet en is deel van die fynbos. Die spesie is endemies aan die Wes-Kaap. Dit kom kuslangs voor vanaf die suide van die Kaapse Skiereiland, ooswaarts tot by by Elim op die Agulhasvlakte. Dit groei in moerasagtige gedeeltes waar die grond seisoenaal nat is. Die spesie het baie van sy habitat verloor weens kus en voorstedelike ontwikkeling, veral tussen Bettiesbaai en Hermanus. Verskeie subpopulasies, soos aangedui deur historiese rekords, is nou uitgestorwe. Ontwikkeling lei ook tot drooglegging van die plant se habitat. Rondom Elim word die spesie bedreig deur gewasverbouing en indringerplante.
Dit is na die plantkundige Terence Macleane Salter vernoem.
Bronnelys REDLIST Sanbi Plants of the World Online
salteri Kategorie:Flora van Suid-Afrika Kategorie:Endemiese plante van Suid-Afrika