Lachenalia arbuthnotiae is 'n meerjarige blomdraende plant en bolagtige geofiet wat deel is van die fynbos. Die plant is endemies aan die Wes-Kaap en kom op die Kaapse Vlakte in vleiagtige, nat plekke voor. Dit het 'n voorkomsgebied van kleiner as 10 km² en daar is moontlik nog drie subpopulasies oor. Die spesie het 90% van sy habitat verloor weens stedelike ontwikkeling en die oorblywende plante word bedreig deur indringerplante en drooglegging van die vleiagtige gebied waar hulle groei.
Die een subpopulasie bestaan uit slegs 60 plante terwyl die tweede subpopulasie tans uit 500 plante bestaan. Laasgenoemde is in 2016 ontdek na 'n veldbrand. Daar is moontlik 'n derde populasie by Kaapstad Internasionale Lughawe maar is vir 'n lang tyd nog nie weer ondersoek nie.
Galery
Bronnelys REDLIST Sanbi Plants of the World Online
arbuthnotiae Kategorie:Flora van Suid-Afrika Kategorie:Endemiese plante van Suid-Afrika