duimnael|260px|Franse roosterbrood bedek met vrugte, botter en room, bedien met esdoringstroop Verlore brood of Eierbrood (Die naam Franse roosterbrood is ook in gebruik, maar dit is 'n anglisistiese term gebaseer op die Engelse French toast, en weerspieël nie die oorspronklike benaming of oorsprong van die gereg nie.) is 'n gereg gemaak van gesnyde brood wat in geklitste eiers en gewoonlik melk geweek is en dan gebraai word. Alternatiewe name en variante sluit in "Bombay toast", "German toast", "gypsy toast", en "poor knights" (van Windsor). Oxford English Dictionary, 3rd ed., 2006, s.v. 'poor' S3
Wanneer Franse roosterbrood as soetgereg bedien word, word melk, suiker, vanielje of kaneel ook gereeld bygevoeg voordat dit gebraai word, en dan kan dit met suiker, botter, vrugte of stroop gevul word. As dit 'n soutgereg is, word dit gewoonlik met 'n knippie sout of peper gebraai, en dan kan dit saam met 'n sous soos tamatiesous of mayonnaise bedien word.
Voorbereiding Snye brood word geweek of gedoop in 'n mengsel van geklitste eiers, dikwels geklits met melk of room. Suiker, kaneel, neutmuskaat en vanielje kan op verskillende maniere bygevoeg word. Die brood word dan in botter of olyfolie gebraai tot bruin en gaar. Dagoud brood word gereeld gebruik, beide vir die spaarsaamheid daarvan en omdat dit meer eiermengsel sal opneem sonder om uitmekaar te val.
Die gaar skywe kan saam met suiker of enige soet bolaag bedien word, soos konfyt, heuning, vrugte, of esdoringstroop.
Internasionale weergawes
Brasilië en Portugal regs|duimnael| Portugese rabanadas, wat tradisioneel op Kersdag bedien word In beide Portugal en Brasilië is rabanadas 'n tradisionele Kersnagereg. Rabanada, um antigo clássico natalino presente em todo o mundo (in Portugees) Baie resepte gebruik dikwels Tinto of Portwyn.
Denemarke In Denemarke is Arme Riddere (Poor Knights) 'n soet ontbytgereg wat ook as middagete of 'n nagereg in die aand geëet kan word. Die Deense weergawe van hierdie gereg gebruik suiker met kaneel, in plaas van gewone suiker.
Duitsland In Duitsland is Arme Ritter (Poor Knights) of Pofesen reeds sedert die 14de eeu bekend (genoem in die Duitse woordeboek deur die broers Grimm).
Frankryk In Frankryk het pain perdu 'n wye verskeidenheid streekvariasies.
Griekeland In Griekeland staan dit bekend as avgofétes, wat eierbrode beteken, en word bedien as 'n ontbytgereg met suiker en haselneute, en as dit saam met kasseri bedien word, is dit soms 'n soutgereg.
Hongkong duimnael| Franse roosterbrood in Hongkong-styl Franse roosterbrood in die Hongkong-styl word tipies voorberei deur die kombinasie van verskeie snye brood met grondboontjiebotter of vrugtekonfyt gevul, dan gedip in geklitste eier en diepgebraai. Dit word bedien met botter, en bedek met goue stroop of heuning. Dit is 'n tipiese aanbieding in Hongkongse teehuise (cha chaan teng). Ander vorme van vulling wat gevind word, is vleisflos, kaya konfyt, ham, of beesvleis.
Indië In Indië is Bombay-roosterbrood 'n gewilde gereg wat in die strate van Mumbai deur smouse verkoop word. Bombay-roosterbrood word ook Sweet French Bread genoem.
Pole In Pole staan dit bekend as chleb w jajku, wat eierbrood beteken. Dit is 'n gewilde ontbytgereg.
Nederland en België In Nederland en Vlaams sprekende België heet dit wentelteefjes of gewonnen brood. In Franssprekende België is dit pain perdu, soos in Frankryk.
Verenigde Koninkryk In die Verenigde Koninkryk staan dit algemeen bekend as eggy bread of soms Gypsy toast en word dit as 'n soet- en 'n soutgereg bedien.
Verenigde State Franse roosterbrood is in die vroeë en middel 20ste eeu algemeen in treine se eetwaens bedien. Die Santa Fe was veral bekend vir sy Franse roosterbrood, en die meeste van die spoorweë het resepte van hierdie en ander aanbiedings aan die publiek verskaf as 'n promosie.
Verwysings
Kategorie:Voor- en nageregte Kategorie:Artikels met teks in Chinees