250px|thumb|Die Kerk van Sint Georgius in Lalibela, Ethiopië.

Die Christendom in Afrika het Egipte eerste bereik, in die middel van die 1ste eeu n.C. Teen die einde van die 2de eeu het dit ook die streek om Kartago bereik. In die 4de eeu het die Koninkryk Aksum in die hedendaagse Eritrea en Ethiopië een van die eerste streke in die wêreld geword wat die Christelike geloof as ’n amptelike geloof aanvaar het, gevolg deur die Nubiese koninkryke Nobatië, Makoerië en Alodië twee eeue later.

Belangrike Afrikane wat die vroeë ontwikkeling van die Christendom beïnvloed het, sluit in Tertullianus, Clemens van Alexandrië, Origenes van Alexandrië, Cyprianus van Kartago, Athanasius en Augustinus van Hippo.

Sedert die verspreiding van die Islam na Noord-Afrika het die grootte van Christelike gemeentes afgeneem, sodat van die oorspronklike kerke net die Grieks-Ortodokse Kerk van Alexandrië en die Kopties-Ortodokse Kerk van Alexandrië oorgebly het (hulle het ná die Konsilie van Chalcedon geskei geraak), asook die Ortodokse Tewahedokerk (wat geskei geraak het in die Ethiopies-Ortodokse en Eritrees-Ortodokse Tewahedokerk) in die Horing van Afrika.

Die Keiserryk van Ethiopië was die enigste streek in Noord-Afrika wat die uitbreiding van die Islam as ’n Christelike staat oorleef het. Die Ethiopiese kerk het sy eie, besonderse godsdiensgebruike en ’n unieke kanon van die Bybel gehad. Die Ethiopiese Christendom was dus nie die produk van Europese sendingwerk nie, maar is heelwat vroeër deur sendelinge versprei.http://www.africanchristian.org African Christianity

Vandag word die Christelike geloof aangehang deur die meerderheid bevolkings in Suider-Afrikaanse, Suidoos-Afrikaanse en Sentraal-Afrikaaanse state en ander in sommige dele van die Horing van Afrika en Wes-Afrika. Die Koptiese Christene maak ’n aansienlike meerderheid in Egipte uit. In 2020 was 49% van die kontinent se bevolking Christelik, terwyl Moslems 42% uitgemaak het.Gordon Conwell Theological Seminary, African Christianity, 2020 In ’n redelik kort tyd het Afrika verander van ’n kontinent met hoofsaaklik inheemse, tradisionele godsdienste tot een van hoofsaaklik Christene en Moslems. Sedert 2013 maak volgelinge van ’n tradisionele Afrikagodsdiens net in Togo die meerderheid uit. Dit is egter belangrik dat daar in die meeste gemeenskappe in Afrika wat hulleself as Christene beskou, ’n aansienlike samesmelting met tradisionele gelowe en praktyke is.Rosalind Shaw, Charles Stewart, Syncretism/Anti-Syncretism: The Politics of Religious Synthesis (1994)

Volgens data van die Gordon-kweekskool is daar vir die eerste keer meer Christene in Afrika as op enige ander enkele kontinent. "Die resultate wys Afrika heel bo met 631 miljoen Christelike bewoners, Latyns-Amerika in die tweede plek met 601 miljoen Christene, en Europa in die derde plek met 571 miljoen Christene."

Denominasies

Katoliek Lidmate van die Rooms-Katolieke Kerk het gestyg van 2 miljoen in 1900 tot 140 miljoen in 2000.The Catholic Explosion , Zenit News Agency, 11 November 2011 Die meeste behoort tot die Latynse Kerk, maar ’n paar miljoen is lidmate van die Oosters-Katolieke Kerke.

Ortodoks Ethiopies-Ortodokse Tewahedokerk – 37 miljoen Kopties-Ortodokse Kerk van Alexandrië – 10 miljoen Eritrees-Ortodokse Tewahedokerk - 2 miljoen Grieks-Ortodokse Kerk van Alexandrië – 0,5 miljoen

Protestantisme

Anglikanisme Kerk van Nigerië – 20,1 miljoen Kerk van Uganda – 8,1 miljoen Anglikaanse Kerk van Kenia – 5 miljoen Episkopaalse Kerk van Suid-Soedan en Soedan – 4,5 miljoen Anglikaanse Kerk van Suider-Afrika – 2,3 miljoen Anglikaanse Kerk van Tanzanië – 2 miljoen Anglikaanse Kerk van Rwanda – 1 miljoen Anglikaanse Kerk van Setraal-Afrika – 0,9 miljoen Anglikaanse Kerk van Burundi – 0,8 miljoen Kerk van Christus in die Kongo – 0,5 miljoen Anglikaanse Kerk van Wes-Afrika – 0,3 miljoen Hervormde Evangeliese Anglikaanse Kerk van Suid-Afrika – 0,09 miljoen

Baptisme Nigeriese Baptistekonvensie – 5 miljoen Baptisteunie van Uganda – 2,5 miljoen Baptistegemeenskap van Kongo – 2,1 miljoen Baptistekonvensie van Tanzanië – 2 miljoen Baptistegemeenskap van die Kongorivier – 1,1 miljoen Baptistekonvensie van Kenia – 0,6 miljoen Baptistekonvensie van Malawi – 0,3 miljoen Ghanese Baptistekonvensie – 0,3 miljoen Unie van Baptistekerke in Rwanda – 0,3 miljoen Evangeliese Baptistekerk van die Sentraal-Afrikaanse Republiek – 0,2 miljoen

Lutheranisme Ethiopiese Evangeliese Kerk Mekane Yesus – 8,3 miljoen Evangeliese Lutherse Kerk in Tanzanië – 6,5 miljoen Malagassiese Lutherse Kerk – 3 miljoen Die Lutherse Kerk van Christus in Nigerië – 2,2 miljoen Evangeliese Lutherse Kerk in Namibië – 0,7 miljoen Evangeliese Lutherse Kerk in Suid-Afrika – 0,6 miljoen Evangeliese Lutherse Kerk in die Republiek van Namibië – 0,4 miljoen Evangeliese Lutherse Kerk van Kameroen – 0,3 miljoen Evangeliese Lutherse Kerk in Zimbabwe – 0,3 miljoen

Metodisme Metodistekerk Nigerië – 2 miljoen Metodistekerk van Suider-Afrika – 1,7 miljoen Verenigde Metodistekerk van Ivoorkus – 1 miljoen Metodistekerk Ghana – 0,8 miljoen Metodistekerk in Kenia – 0,5 miljoen

Hervormde kerke (Calvinisme) Presbiteriaanse Kerk van Oos-Afrika – 4 miljoen Presbiteriaanse Kerk Nigerië – 3,8 miljoen Presbiteriaanse Kerk van Afrika – 3,4 miljoen Kerk van Christus in Kongo – 2,5 miljoen Presbiteriaanse Kerk van Kameroen – 1,8 miljoen Kerk van Sentraal-Afrika Presbiteriaans – 1,3 miljoenPatrick Johnstone and Jason Mandryk, Operation World: 21st Century Edition (Paternoster, 2001), p. 419 . Presbiteriaanse Kerk in Soedan – 1 miljoen Presbiteriaanse Kerk in Kameroen – 0,7 miljoen Evangeliese Presbiteriaanse Kerk, Ghana – 0,6 miljoen Verenigde Presbiteriaanse Kerk in Suider-Afrika – 0,5 miljoen Presbiteriaanse Kerk in Rwanda – 0,3 miljoen Kerk van Jesus Christus in Madagaskar – 3,5 miljoen Verenigde Kerk in Zambië – 3 miljoen Evangeliese Kerk van Kameroem – 2,5 miljoen Nederduitse Gereformeerde Kerk in Suid-Afrika – 1,1 miljoen Verenigende Gereformeerde Kerk in Suid-Afrika – 0,5 miljoen Lesotho- Evangeliese Kerk – 0,3 miljoen Christelike Hervormde Kerk van Nigerië – 0,3 miljoen Hervormde Kerk in Zambië – 0,3 miljoen Evangeliese Hervormde Kerk in Angola – 0,2 miljoen Kerk van Christus in die Soedan onder die Tiv – 0,2 miljoen Evangeliese Kerk van Kongo – 0,2 miljoen Evangeliese Kongregasionalistiese Kerk in Angola – 0,9 miljoen Verenigde Kongregasionalistiese Kerk van Suider-Afrika – 0,5 miljoen Nederduitsch Hervormde Kerk van Afrika – 0,114 miljoen Gereformeerde Kerke in Suid-Afrika – 0,1 miljoenStatistieke, Gereformeerde Kerke in Suid-Afrika Besoek op 8 Oktober 2020 Afrikaanse Protestantse Kerk – 0,03 miljoen

Pinksterkerke Apostoliese Geloofsending van Suid-Afrika – 1,2 miljoen Vereniging van Pinksterkerke van Rwanda – 1 miljoen

Verwysings

Skakels