Die Manyamerivier (voorheen ook bekend as Hunyanirivier) in Zimbabwe is 'n sytak van die Zambezirivier.
Hierdie rivier ontspring suidoos van Harare op 'n hoogte van meer as 1 500 m bo seevlak. Ongeveer 15 km wes van Harare loop dit deur die Manyame-meer, vloei daarna noordwaarts en verby Chinhoyi. Nog verder noord sluit die rivier aan by die Panhamerivier wat van suidoos kom. Op 16° suiderbreeddte steek die versterkte rivier die grens met Mosambiek oor en verander sy naam na die Danderivier. So 'n 20 km suidoos van Zumbo vloei die rivier in die Cahora Bassa-dam.
Die Manyamerivier is nagenoeg 320 km lank en het 'n opvanggebied van 'n 26000 km². Dit is een van die vier groot riviere wat op Zimbabwe se sentrale plato ontspring en na die Zambezi vloei. Die ander is die Gwayirivier, die Sanyatirivier en die Mazowerivier.
Verwysings
Bibliografie Standard Encyclopaedia of Southern Africa, deel 6. Kaapstad: Nasou, 1972.
Kategorie:Riviere in Zimbabwe