Ruth Mompati (14 September 1925 - 12 Mei 2015) was 'n Suid-Afrikaanse politikus en een van die leiers van die Vroue-optog op 9 Augustus 1956.
Vroeë lewe en onderwys Ruth Mompati is in die verrenoorde van die destydse Kaapprovinsie (nou Noordwes) gebore. Nadat sy standaard 6 voltooi het, het sy vir 'n blanke gesin gewerk en later na die Tygerkloof Onderwysersopleidingskollege gegaan, waar sy in 1944 haar onderwysdiploma verwerf het.
Loopbaan Van 1953 tot 1961 werk sy as tikster by Nelson Mandela en Oliver Tambo in hul regspraktyk in Johannesburg. Sy het in 1954 by die African National Congress aangesluit en is verkies tot die Nasionale Uitvoerende Komitee van die Vroueliga.
Verwysings
Kategorie:Geboortes in 1925 Kategorie:Sterftes in 2015 Kategorie:Politici van die African National Congress