Fabianus was die twintigste pous van die Rooms-Katolieke Kerk.
Biografie Pous Fabianus wat ook Flavius genoem word, is volgens legende (beskryf deur Eusebius) gekies toe 'n duif op sy kop kom sit het. Hy was nie 'n biskop nie en ook nie 'n inwoner van Rome nie. Op 10 Januarie 236 volg hy Pous Anterus op en word in 250 opgevolg deur Pous Cornelius. Die naam ‘Fabianus’ beteken ‘uit die geslag van die Fabiërs’.
Pontifikaat Fabianus se pontifikaat word gekenmerk deur organisasie en uitbreiding. Hy het mense aangestel om die dade van die martelare op te teken. Hy het ook keiser Philippus en sy seun gedoop. Hy lê die grondslag vir die latere hiërargiese stelsel van die kerk deur sewe biskoppe vanuit Rome as sendelinge na die huidige Frankryk uit te stuur: Gatianus na Tours Trophimus na Arles Paulus na Narbonne Saturninus na Toulouse Dionisius na Parys Austremonius na Clermont Martialis na Limoges.
Die uitsending was moontlik nie sy werk nie omdat dit eers plaasgevind het na die Christenvervolging van keiser Trajanus Decius, waartydens Fabianus op 10 Januarie 250 om die lewe gekom het.
Hy stel die hoër ordes ("ordines majores") van biskop, ouderling en diaken in en ook die laer ordes ("ordines minores") van sub-diaken, akoliet, deurwagter, eksorsis (duiweluitdrywer) en leser (lektor).
Verering Hy is begrawe in die Callixtus katakombe. Hy word as martelaar en heilige vereer. Sy feesdag is op 20 Januarie in die Rooms-Katolieke Kerk en op 5 Augustus in die Oosters-Ortodokse Kerk. Hy is saam met Sint Sebastianus die beskermheilige van die stad Selm in Wesfale en die kerk Santi Fabiano e Venanzio in Rome. Baie kerke is na hom saam met Sebastianus vernoem soos “Fabianus en Sebastianus” in Darup en Osterwick in Duitsland en Apeldoorn, Nederland. Hy is ook die patroon van die pottebakkers en die tingieters. Sy sarkofaag is in 1915 herontdek.
Verwysings
Bronne Attwater, Donald and Catherine Rachel John. The Penguin Dictionary of Saints. 3rd edition. New York: Penguin Books, 1993. . Gross, Ernie. This Day in Religion. New York:Neal-Schuman Publishers.
Eksterne skakels
Ökumenisches Heiligenlexikon
Nota Saamgestel uit die Nederlandse, Engelse, Duitse en Franse wiki’s.
Kategorie:Geboortes in 200 Fabianus Fabianus Kategorie:Sterftes in 250