Bart Johannes Henri de Graaff (Middelburg, Zeeland, 9 Julie 1959 - Pretoria, 30 Maart 2024) was 'n Nederlandse skrywer, historikus en joernalis wat 'n besonderse belangstelling in die Suid-Afrikaanse politiek en kultuur gehad het.
Hy promoveer met De mythe van de stamverwantschap: Nederland en de Afrikaners – 1902–1930, wat in 1993 gepubliseer is. Hierin fokus hy onder meer op Kruger se Hollanders, ook waarom die belangstelling in die Afrikaner na afloop van die Tweede Vryheidsoorlog afgekoel het, maar die band tog nooit verbreek het nie. Ter aanvulling hiervan kom die opvolgartikel, Onbeantwoorde liefde: Nederlandse betweters en Afrikaner Boeren wat die apartheidsjare bespreek. Sy slotparagraaf:
In 2015 en 2016 bring hy verskeie besoeke aan Suid-Afrika en Namibië ten einde navorsing te doen vir sy boek "Ware Mense" wat uitgegee is deur Protea Boekhuis en vertaal is deur dr. Daniël Hugo. Die boek is oorspronklik in Nederlands geskryf met die titel Ik, Yzerbek en in 2016 uitgegee deur Scriptum Uitgewers. Sy Barend Barends - Die vergete kaptein van Daniëlskuil en Windvogel en Cupido: herkomst en betekenis van Nederlands klinkende Khoisan namen in Zuid-Afrika, is ook deur Dr. Hugo in Afrikaans vertaal.
Hy is onverwags in 2024 oorlede tydens 'n besoek aan Suid-Afrika.
Publikasies (keur) Windvogel en Cupido: herkomst en betekenis van Nederlands klinkende Khoisan namen in Zuid-Afrika Zeeuwen in Zuid-Afrika 2018. In: Zeeland - tijdschrift van het Koninklijk Zeeuws Genootschap der Wetenschappen. 27.3. p.83-88 Ik, Yzerbek. 2016. (vertaal in Afrikaans as Ware Mense) Zeeuwen aan de Kaap: verhalen uit Zuid-Afrika. 2015. Nederlands als poort naar Afrika . 2014. 1599 km tussen Amsterdam en Gouda. Een ontdekkingstocht langs Nederlandse plaatsnamen in Zuid-Afrika. 2012, Onbeantwoorde liefde: Nederlandse betweters en Afrikaner Boeren. 2010 Apartheid: een aanzet tot begripsbepaling. 2000. Steeds weer dat gezeur over Zuid-Afrika. 1998 De mythe van de stamverwantschap: Nederland en de Afrikaners, 1902-1930. 1993. De Nederlandse publieke opinie over apartheid 1948-1963: van begrip tot verwerping. 1985 Barend Barends - Die vergete kaptein van Daniëlskuil
Films (keur) Leaving Mandela Park (2010) Out of Eden (2002) Hartseerland (1991)
Verwysings
Kategorie:Geboortes in 1959 Kategorie:Sterftes in 2024 Kategorie:Nederlandse geskiedkundiges Kategorie:Nederlandse joernaliste Kategorie:Nederlandse skrywers