Jenő Jandó (Hongaarsː ˈjɒndo) (1 Februarie 1952 – 4 Julie 2023) was 'n Hongaarse pianis en professor aan die Franz Liszt Musiekakademie in Boedapest, Hongarye.
Agtergrond en opvoeding Jandó het klavier aan die Liszt Akademie onder Katalin Nemes en Pál Kadosa studeer en voortgegaan om verskeie groot internasionale klavierkompetisies te wen, insluitende die Georges Cziffra- en Ciani Klavierkompetisies. Sy professionele loopbaan het posgevat toe hy op 18 derde plek behaal het tydens die Beethoven Klavierkompetisie. Hy was ook die wenner van die 1973 Hongaarse Klavier Concours, en het eerste plek behaal in die kamermusiek-kategorie tydens die Sydney Internasionale Klavierkompetisie in 1977.
Loopbaan as solis en begeleidende pianis Jandó was hoog gereken as beide 'n solis en begeleidende kunstenaar, soos blyk uit sy opnames, wat bestaan uit onder andere 'n volledige opname van Beethoven se klaviersonates, Franz Schubert se Forelkwintet en Beethoven se klaviertrios Nos. 5-6 Op. 70 en die klaviertrio No. 7.
As begeleidende pianis het Jandó saam met Takako Nishizaki vir Naxos opnames gemaak van die Beethoven-vioolsonates, Franck-vioolsonate, Grieg-vioolsonate, die volledige Schubert-sonates en die Mozart-sonates. Baie van die opnames word hoog geag deur die Penguin-gids vir opgeneemde klassieke musiek. Sy styl van begeleiding is ook opmerklik in Zoltán Kodály se Tjellosonate (Op. 4), sowel as in die meer onlangse opname van Ernő Dohnányi se tjellosonates saam met Maria Kliegel.
Hy was bekend daarvoor dat hy gesing of geneurie het terwyl hy speel; ten einde dit te verhoed het hy die gewoonte aangeleer om 'n onaangesteekte sigaret in sy mond te plaas!
Opnames Jandó het meer as sestig albums opgeneem, insluitende musiek deur Bach, Beethoven, Liszt, Schumann, Schubert, Brahms, Haydn, Bartók , Chopin en vele ander.
Afsterwe Jandó is op 4 Julie 2023 op 71-jarige leeftyd oorlede.
Pryse Hy het die Franz Liszt-prys en die Ridderkruis van die Hongaarse Orde van Verdienstelikheid ontvang.
Verwysings
Eksterne skakels Jenő Jandó biografie en platelys by Naxos.com
Kategorie:Geboortes in 1952 Kategorie:Sterftes in 2023 Kategorie:Hongaarse pianiste