Raquel Welch (née Tejada; 5 September 1940 – 15 Februarie 2023) was 'n Amerikaanse aktrise, model en rolprentvervaardiger.

Welch het eers aandag getrek vir haar rol in Fantastic Voyage (1966), waarna sy 'n kontrak by 20th Century Fox gewen het. Hulle het haar kontrak aan die Britse ateljee Hammer Film Productions geleen, vir wie sy One Million Years BC (1966) gemaak het. Alhoewel Welch slegs drie reëls van dialoog in die film gepraat het, het beelde van haar in die bokvel-bikini topverkoperplakkate geword wat haar in 'n internasionale sekssimbool verander het. Sy het later in Bedazzled (1967), Bandolero! (1968), 100 Rifles (1969), Myra Breckinridge (1970), Hannie Caulder (1971), Kansas City Bomber (1972), The Last of Sheila (1973), The Three Musketeers (1973), The Wild Party (1975), en Mother, Jugs & Speed (1976). Sy het verskeie spesiale televisiereekse gemaak.

Deur haar uitbeelding van sterk vroulike karakters, wat haar gehelp het om die vorm van die tradisionele sekssimbool te breek, het Welch 'n unieke filmpersoonlikheid ontwikkel wat haar 'n ikoon in die 1960's en 1970's gemaak het. Haar opkoms tot sterstatus is deels toe te skryf aan die beëindiging van Hollywood se kragtige bevordering van die blonde bom.Longworth, Karina. (October 21, 2014). "Raquel Welch, From Pin-up to Pariah" You Must Remember This. Retrieved December 1, 2016.Öncü, Ece. (February 9, 2012). Spend the Weekend with Raquel Welch and Film Society Film Society of Lincoln Center Retrieved August 5, 2015.Heavey, John. (February 23, 2012). Video: Two Conversations with Raquel Welch Film Society of Lincoln Center Retrieved August 2015. Haar liefdestoneel-uitbeelding met Jim Brown se karakter in die 1969-film 100 Rifles het ook filmgeskiedenis gemaak met hul uitbeelding van interrassige intimiteit. Sy het in 1974 'n Golden Globe-toekenning vir beste rolprentaktrise in 'n musiekblyspel of komedie gewen vir haar vertolking in The Three Musketeers. Sy is ook genomineer vir 'n Golden Globe-toekenning vir beste aktrise in televisiefilm vir haar vertolking in die film Right to Die (1987). Haar laaste film was How to Be a Latin Lover (2017). In 1995 is Welch deur die tydskrif Empire as een van die "100 Sexiest Stars in Film History" gekies. Playboy het Welch as nr. 3 op hul "100 Sexiest Stars of the Twentieth Century" gelys. links|duimnael|160px|Welch in 1968

Vroeë lewe Welch is as Jo Raquel Tejada op 5 September 1940, in Chicago, Illinois gebore. Sy was die eerste kind van Armando Carlos Tejada Urquizo en Josephine Sarah Hall.Raquel Welch Beyond the Cleavage: Quote: "I was born in 1940 in the Windy City, Chicago. Not ideal for a new-born baby girl." Verkry 17 Maart 2020. Haar pa, Armando Tejada, was 'n lugvaartingenieur van La Paz, Bolivië, seun van Agustin Tejada en Raquel Urquizo. In 2010 tydens die vrystelling van haar memoires Raquel: Beyond the Cleavage, het Welch 'n onderhoud gevoer op die geselsprogram Tavis Smiley, en gesê: "My pa het van 'n land genaamd Bolivië gekom. Hy was van Spaanse afkoms."

duimnael|180px|Welch by die 39ste Emmy-toekennings-goewerneursbal in September 1987 Die gesin het van Illinois na San Diego, Kalifornië, verhuis toe Welch twee jaar oud was. As 'n jong meisie het Welch die begeerte gehad om 'n kunstenaar en vermaaklikheidster te wees. Sy het op sewejarige ouderdom ballet begin studeer, maar ná tien jaar se studie het sy die kuns op sewentien verlaat toe haar instrukteur vir haar gesê het sy het nie die regte liggaamstipe vir professionele balletgeselskappe nie. Op 14-jarige ouderdom het sy skoonheidstitels as Miss Photogenic en Miss Contour gewen. Terwyl sy La Jolla Hoërskool bygewoon het, het sy die titel van Mej La Jolla en die titel van Mej San Diego gewen – "The Fairest of the Fair" – by die San Diego County Fair. Hierdie lang reeks skoonheidskompetisies het uiteindelik gelei tot die staatstitel van Maid of California. Haar ouers is geskei toe sy haar skooljare voltooi het.Welch, Raquel. (2010). Raquel Welch: Beyond the Cleavage. New York: Weinstein Books. pp. 3–28.

Sterfte Welch is op 15 Februarie 2023 by haar huis in Los Angeles aan hartstilstand dood. Sy was 82. Ten tyde van haar dood het Welch ook aan Alzheimersiekte gely.

Nalatenskap Welch het gehelp om die Amerikaanse vroue-ideaal in sy huidige toestand te omskep. Haar pragtige voorkoms en erotiek het haar die definitiewe seksikoon van die 1960's en 1970's gemaak, eerder as die blonde bom van die laat 1950's soos getipeer deur Marilyn Monroe, Jayne Mansfield en ander. Welch het in die middel-1960's 'n ster geword en was eksoties, donkerkop en smeulend seksueel.Mansour, David. (2005). From Abba to Zoom: A Pop Culture Encyclopedia of the Late 20th Century. Kansas City, MO: Andrews McMeel Publishing, p. 522.Lisanti, Tom & Paul, Louis. (2002). Film Fatales: Women in Espionage Films and Television, 1962–1973. Jefferson, NC: McFarland & Company, p. 304. Haar tallose publisiteitsfoto's het gehelp om haar beeld, rokstyl en modetendense van die 1960's en 1970's gewild te maak. Welch en ander aktrises het groot hare ook gewild gemaak.

Filmografie Sien Bespreking:Raquel Welch

Verwysings

Eksterne skakels

Kategorie:Amerikaanse aktrises van die 21ste eeu Kategorie:Amerikaanse aktrises van die 20ste eeu Kategorie:Geboortes in 1940 Kategorie:Sterftes in 2023