Eintracht Frankfurt is 'n sportklub uit Frankfurt am Main in die deelstaat Hessen in Duitsland, veral bekend vir sy sokkerafdeling. Behalwe sokker, het die klub ook afdelings vir onder meer atletiek, basketbal, driekamp, boks, e-sport, gholf, gimnastiek, handbal, hokkie, rugby, stoei, tafelsokker, tafeltennis, tennis, sokkerondersteunersafdeling, skermsport, ultimate frisbee, veerpyltjies, vegkuns, vlugbal, yshokkie en ysstoksport.
Die klub is op 8 Maart 1899 gestig as Frankfurter Fußball-Club Viktoria von 1899. In Mei 1911 is daar met Frankfurter Fußball-Club Kickers von 1899 saamgesmelt as Frankfurter FV (Kickers-Viktoria). In 1920 het die klub met die gimnastiekklub Frankfurter Turngemeinde von 1861 saamgesmelt om TuS Eintracht Frankfurt von 1861 te vorm. In 1927 het die twee klubs weer uitmekaargespat as gevolg van druk van die nasionale gimnastiekvereniging en weer die name Turngemeinde Eintracht Frankfurt von 1861 en Sportgemeinde Eintracht Frankfurt (FFV) von 1899 aangeneem.
Die klub se beste prestasie in sy vroeë jare was toe die eindstryd om die Duitse nasionale kampioenskap in 1932 bereik is, waar daar met 0-2 teen FC Beiere München verloor is. In 1933 is Duitse sokker geherstruktureer in 16 Gauligas. Eintracht het in die Gauliga Suidwes meegeding en die liga in 1938 gewen, maar is in die groepsfase van die uitspeelwedstryde om die Duitse titel uitgeskakel.
Na die Tweede Wêreldoorlog het die klub in die Oberliga Suid meegeding en die Duitse kampioen geword in 1959 deur 5-3 met Kickers Offenbach klaar te speel in die eindstryd. Die titel is opgevolg met 'n puik lopie in die Europese beker-kompetisie. Eintracht het die eindstryd gehaal, maar met 3-7 verloor teen Real Madrid in 'n wedstryd wat vandag nog beskou word as een van die beste wedstryde wat nog ooit gespeel is.
Eintracht was een van die klubs wat aan die eerste Bundesligaseisoen in 1963 deelgeneem het, maar die klub se beste prestasie in hierdie liga was die 5 keer wat daar derde geëindig is.
Die Deutsche Bank Park (vroeër Waldstadion) is sedert 1925 die tuiste van die klub. Die ondersteuners van Eintracht Frankfurt het die afgelope jare bekend geraak as van die mees fanatiese ondersteuners in Duitsland, wat ongelukkig ook gepaardgaan met sokkerboewery en die klub al duur te staan gekom het met boetes wat opgelê is.
Erelys Duitse sokkerkampioen 1959 DFB-Pokal 1974, 1975, 1981, 1988, 2018 UEFA-beker 1980, 2022 UEFA Intertoto-beker 1967
Onlangse ligaposisionering 1963–64 (I) Bundesliga 3de 1964–65 (I) Bundesliga 8ste 1965–66 (I) Bundesliga 7de 1966–67 (I) Bundesliga 4de 1967–68 (I) Bundesliga 6de 1968–69 (I) Bundesliga 8ste 1969–70 (I) Bundesliga 8ste 1970–71 (I) Bundesliga 15de 1971–72 (I) Bundesliga 5de 1972–73 (I) Bundesliga 8ste 1973–74 (I) Bundesliga 4de 1974–75 (I) Bundesliga 3de 1975–76 (I) Bundesliga 9de 1976–77 (I) Bundesliga 4de 1977–78 (I) Bundesliga 7de 1978–79 (I) Bundesliga 5de 1979–80 (I) Bundesliga 9de 1980–81 (I) Bundesliga 5de 1981–82 (I) Bundesliga 8ste 1982–83 (I) Bundesliga 10de 1983–84 (I) Bundesliga 16de 1984–85 (I) Bundesliga 12de 1985–86 (I) Bundesliga 15de 1986–87 (I) Bundesliga 15de 1987–88 (I) Bundesliga 9de 1988–89 (I) Bundesliga 16de 1989–90 (I) Bundesliga 3de 1990–91 (I) Bundesliga 4de 1991–92 (I) Bundesliga 3de 1992–93 (I) Bundesliga 3de 1993–94 (I) Bundesliga 5de 1994–95 (I) Bundesliga 9de 1995–96 (I) Bundesliga 17de 1996–97 (II) 2.Bundesliga 7de 1997–98 (II) 2.Bundesliga 1ste 1998–99 (I) Bundesliga 15de 1999-00 (I) Bundesliga 14de 2000-01 (I) Bundesliga 17de 2001-02 (II) 2.Bundesliga 7de 2002-03 (II) 2.Bundesliga 3de 2003-04 (I) Bundesliga 16de 2004-05 (II) 2.Bundesliga 3de 2005-06 (I) Bundesliga 14de 2006-07 (I) Bundesliga 14de 2007-08 (I) Bundesliga 9de 2008-09 (I) Bundesliga 13de 2009-10 (I) Bundesliga 10de 2010-11 (I) Bundesliga 17de 2011-12 (II) 2.Bundesliga 2de 2012–13 (I) Bundesliga 6de 2013–14 (I) Bundesliga 13de 2014–15 (I) Bundesliga 9de 2015–16 (I) Bundesliga 16de 2016–17 (I) Bundesliga 11de 2017–18 (I) Bundesliga 8ste 2018–19 (I) Bundesliga 7de 2019–20 (I) Bundesliga 9de 2020–21 (I) Bundesliga 5de 2021–22 (I) Bundesliga 11de 2022–23 (I) Bundesliga 7de 2023–24 (I) Bundesliga 6de 2024–25 (I) Bundesliga 3de 2025–26 (I) Bundesliga 8de
Eksterne skakels
Amptelike klubblad Abseits Guide to German Soccer Eerste amptelike ondersteunerswerf Amptelike stadionwebblad Eintracht Frankfurt statistiek
Frankfurt Kategorie:Frankfurt am Main