Galaktitol (ook dulsitol) is 'n suikeralkohol, die reduksieproduk van galaktose. Dit het 'n effense soet smaak. Mense met 'n tekort aan die ensiem galaktokinase ontwikkel 'n vorm van galaktosemie, waar oortollige galaktitol in die lens van die oog vorm, wat algemeen tot katarakte lei.
Galaktitol word uit galaktose gevorm in 'n reaksie wat gekataliseer word deur aldose-reduktase.
Die ander algemene gebrek in galaktosemetabolisme is 'n onderaktiewe galaktose-1-fosfaat-uridilieltransferase-ensiem. Hierdie is 'n outosomale resessiewe toestand, wat ook veroorsaak dat galaktitol opbou as gevolg van verhoogde konsentrasies van galaktose-1-fosfaat en galaktose. Die toestand kan lei tot 'n vergrote milt en lewer, verstandelike gestremdheid, asook die katarakte wat veroorsaak word deur die opbou van galaktitol.
Verwysings
Kategorie:Koolhidrate