Die Messerschmitt Me 410 is 'n Duitse tweemotorige vegvliegtuig wat tydens die Tweede Wêreldoorlog diens gedoen het. Die Me 410 was ontwerp om die Messerschmitt Bf 110 te vervang. Die eerste ontwerp om die Bf 110 te vervang was die Messerschmitt Me 210. Die vliegtuig was egter onstabiel en moeilik om te hanteer; dit het geneig om te tol en te staak. Tog is daar 200 van die vliegtuie gebou maar later verwerp ten gunste van 'n nuwer Messerschmitt Bf 110. Die Me 210 se ontwerp is verbeter met 'n langer romp en leidende klappe aan die voorkant van die vlerke om staking teen te werk. Die vliegtuig is ook toegerus met kragtiger motors. Die nuwe ontwerp is die Me 410 Hornisse genoem. Die eerste Me 410 het die front in Januarie 1943 bereik en die Dornier Do 217 en Junkers Ju 88 vervang.
Hulle is eers gebruik as nagvegter/bomwerpers oor Brittanje en later as bomwerpers in die Middellandse Seearea. Vanaf die lente van 1944 het die Me 410's die Bf 110's vervang in die bomwerpereenhede (Zerstörer) wat Duitsland moes verdedig. Hulle het ook aan die oosfront diens gedoen.
Die Messerschmitt Me 410A-1/U4 was toegerus met 'n 50 mm kanon onder die romp. Die kanon het 900 kg geweeg en het 'n terugslag van sewe ton gehad. Dit kon slegs 21 rondtes dra. Die Me 410 was egter nie beter as die Messerschmitt Bf 110 wat dit moes vervang nie. Produksie van die vliegtuig is in September 1944 gestaak.
Tegniese besonderhede + Besonderhede van die Messerschmitt Me 410A-1/U2: Item Statistiek Aantal motore 2 Tipe motor Skroef Vervaardiger Daimler-Benz DB 603Aomgekeerde V12-suiermotors Kraglewering per motor 1 850 perdekrag Vlerkspan16,35 m Lengte12,48 m Hoogte4,28 m Vlerkoppervlakte36,2 m2 Maks. opstygmassa9 650 kg Maksimumsnelheid625 km/h Operasionele hoogte 10 000 m Togafstand 1 690 km Klimvermoë 6 700 m in 10 minute, 42 sekondes Bewapening Vier 20 mm kanonne,twee 7,93 mm masjiengewere, twee 13 mm afstandbeheerdetru-masjiengewere in die flanke.
Sien ook Lys van vegvliegtuie
Bron Crosby, Francis: THE WORLD ENCYCLOPEDIA OF FIGHTERS & BOMBERS. 2015.
Kategorie:Vegvliegtuie Kategorie:Vliegtuie van die Tweede Wêreldoorlog