Portrush (afgelei van Iers-Gaelies Port Rois, "hawe by die landpunt") is 'n stranddorp in die Noord-Ierse graafskap Antrim, digby die grens met die graafskap Londonderry en nie ver van Portstewart nie, 'n ander bekende see-oord, met 'n bevolking van 6 454 volgens die sensus van 2011. duimnael|links|Whiterocks Beach is genoem na die die wit kranse - 'n gewilde bestemming vir 'n staptoer langs die strand duimnael|links|Die wit kranse of White Rocks, soos gesien vanuit Curranstrand Die grootste deel van Portrush se historiese dorpskern, insluitende die spoorwegstasie asook die meeste hotelle, restaurante en kroeë, is op die Ramore Head-landpunt geleë, 'n skiereiland wat oor 'n afstand van een myl in noord-noordoostelike rigting in die Atlantiese Oseaan uitsteek. Buite die toeristeseisoen dien Portrush hoofsaaklik as slaapstad vir die nabygeleë Coleraine-kampus van die Universiteit van Ulster.
Portrush staan veral bekend vir sy drie uitgestrekte sandstrande - West Strand, East Strand en White Rocks, asook die Koninklike Portrush-gholfklub (Royal Portrush Golf Club), die enigste Britse gholfklub buite die hoofeiland Groot-Brittanje wat as gasheer vir die Ope Kampioenskap opgetree het.
Kategorie:Nedersettings in Noord-Ierland