Die Grootoog-kaalneus (Monotaxis grandoculis) is 'n vis wat voorkom in die Stille Oseaan, die Indiese Oseaan, die Rooisee en aan die ooskus van Afrika suidwaarts tot by die suide van KwaZulu-Natal. In Engels staan die vis bekend as die Bigeye barenose.
Identifikasie Die vis kan tot 60 cm lank word maar die gemiddelde grote is 40 cm. Die onvolwasse vis is witterig van kleur met drie swart bande oor die boonste gedeelte van die lyf. Daar is ook 'n kenmerkende swart, vertikale band oor die oog. Met ouderdom word die kop groter en die snoet meer stomp, die swart verdwyn geleidelik en word silwergrys. Dan ontwikkel 'n geel vertikale streep oor die kieudeksel. Die vis leef hoofsaaklik in koraalriwwe in water wat 5 tot 60 m diep is. Hulle is alleenlopers of kom ook in klein groepies voor. Die volwasse visse swem bedags saam oor die rif en breek op gedurende die nag waar hulle dan op bodem ongewerweldes jag maak.
Die klein, onvolwasse vissies is alleenlopers en skuil in rommel en sandareas.
Sien ook Alfabetiese lys van visse Lys van Suider-Afrikaanse visse volgens wetenskaplike name Lys van varswater visfamilies Lys van visfamilies
Bron The Reef Guide: Fishes, corals, nudibranchs & other invertebrates: East & South Coasts of Southern Africa. Dennis King & Valda Fraser. Struik Nature. 2014
Eksterne skakel Monotaxis grandoculis by Fishbase.
Kategorie:Beenvisse