duimnael|links|Hervormde kerk Drachten is 'n groot dorp in die Nederlandse provinsie Friesland. Die dorp lê suidoos van Leeuwarden en ressorteer onder die munisipaliteit Smalligerland (Wes-Fries: Smellingerlân). Dit het sowat 50 000 inwoners (2012-sensus).
Geskiedenis Drachten het in die 17de eeu ontstaan uit die dorpies Noorder-Dragten en Zuider-Dragten Het Aardrijkskundig woordenboek der Nederlanden van A.J. van der Aa aan die klein riviertjie Drait of Dracht. Die gebied oos van die dorp was ryk aan hoogveengebiede en die Drachtster Compagnonsvaart is gegrawe om die turf wat daaruit onttrek is, te vervoer.
Die oprigting van 'n Philips-fabriek in 1950 het baie werksoekers na Drachten gelok, sodat die bevolking reeds in die 1950's tot tienduisend gestyg het.
Godsdiens Die Bethel Vrye Baptiste Kerk (Bethel Kerk) was die vinnigste groeiende godsdiensgemeenskap in Nederland in die 1990's en vroeë 2000's. Na raming woon 4.500 mense die drie dienste op Sondae by, waarin die Christelike boodskap op 'n kontemporêre manier aangebied word deur musiek, visuele elemente, dans en teater. Die Evangeliese Uitsaaikorporasie (EO) saai ook af en toe dienste vanuit Bethel uit. Die gebou, wat baie sale het – die grootste waarvan 1 750 sitplekke bied – is op die De Haven-nywerheidsgebied geleë.
Benewens hierdie kerk is daar verskeie ander kerke in Drachten, insluitend Gereformeerde kerke en Nederduitse Gereformeerde gemeentes, wat saam 8 400 lidmate het (20% van die inwoners), Pinksterkerke, Volle Evangelie-kerke, 'n Mennonitiese gemeente en 'n Rooms-Katolieke gemeente.
Drachten het ook 'n Moslemgemeenskap wat in 'n gebedskamer op Langewyk in die buurt vergader.
Bekende boorlinge Harry Kuitert (1924-2017), teoloog Wim Velema (1929-2019), teoloog
Verwysings
Eksterne skakels
Kategorie:Smallingerland Kategorie:Voormalige munisipaliteite in Friesland Kategorie:Nedersettings in Friesland