Die Nissan Murano is 'n middelgrootte oorkruis SNV wat sedert 2002 deur die Japannese motorvervaardiger Nissan vervaardig word. Die Murano was Nissan se eerste oorkruis SNV vir die Verenigde State en Kanada. Die eerste geslag Murano is aanvanklik ontwerp deur "Nissan America" in La Jolla, Kalifornië, en is gebaseer op die Nissan FF-L platform wat die eerste keer gebruik is deur die derde geslag Altima.
Die Murano was Nissan se enigste oorkruis SNV in die VSA tot September 2007, toe die nuwe 2008 Nissan Rogue daar vrygestel is. In Kanada het die X-Trail verkoop as Nissan se tweede motor-gebaseerde SNV sedert 2005; dit is vervang deur die nuwe 2008 Nissan Rogue teen die einde van 2007. Die Murano pas tussen die Xterra en die Pathfinder in, maar het 'n effens hoër prysetiket as die Nissan Pathfinder.
Die SNV is vernoem na Murano in Italië.
Murano