Indapamied 220px|Indapamied se chemiese struktuur Chemie Chemiese formule C16H16ClN3O3S Molêre massa 365.835 g/mol Voorkoms wit tot geel, kristallyn Smeltpunt 161 Oplosbaarheid 75 mg/L CAS-registernommer 26807-65-8 Farmakokinetika Biobeskikbaarheid Proteïengebonde 71-79% Metabolisme/uitskeiding Lewer Eliminasie-halfleeftyd 14–18 uur
Indapamied is 'n tiasied-verwante diuretikum wat algemeen gebruik word in die behandeling van hipertensie (hoë bloeddruk), asook tydens hartversaking.
Indapamied is in 1974 op die mark geplaas deur Servier Laboratoires van Frankryk.Frans octrooi 2003311, "Nouveaux dérivés de la N-amino indoline disubstituée et leur procédé de préparation" van 7 november 1969 aan Science Unie et Cie., Société Française de Recherche Médicale. Dit word sedertdien onder verskeie handelsname, ook generies, bemark. Die bekendste name is Natrilix, Fludex en Lozol (VSA).http://www.rxlist.com/lozol-drug.htm Kombinasiepreparate met perindopril ('n AOE-remmer) is ook beskikbaar.
Farmakologiese werking Indapamied bevorder die uitskeiding van water en soute deur die niere, wat dan die bloeddruk verlaag. Die werking is soortgelyk aan tiasied-diuretika, maar indapamied val in die chemiese indool-tipe van chlorosulfoonamied en beskik nie oor 'n tiasied-ring soos die tiasied-diuretika nie.
Vorm en samestelling Indapamied is generies beskikbaar as 1.25 mg en 2.5 mg nie-gekeepte tablette.http://online.lexi.com/crlsql/servlet/crlonline
Aanwysings Hipertensie en edeem as gevolg van hartversaking. Daar is tydens die HYVET-ondersoek bewys dat indapamied beroerte verminder wanneer dit met of sonder perindopril toegedien was aan persone ouer as 80 jaar, vir die behandeling van hipertensie.
Dosis en toediening Die volwasse dosis is 1.25 tot 5 mg, eenkeer daagliks per mond, gewoonlik in die oggend toegedien.
Teenaanwysings Indapamied is teenaangedui waar bekende hipersensitiwiteit vir sulfoonamiede voorkom, erge nier- of lewerversaking en hipokalemie (lae bloedvlakke van kalium).
Daar bestaan onvoldoende veiligheidsdata om indapamied te gebruik tydens swangerskap of borsvoeding.
Interaksies Die kombinasie van indapamied met litium moet vermy word.
Voorsorgmaatreëls Serumvlakke van kalium en uriensuur behoort gemonitor te word, veral wanneer die pasiënt moontlik kan lei aan jig of hipokalemie.
Newe-effekte Algemene newe-effekte is hipokalemie, moegheid, ortostatiese hipotensie (bloeddrukafname wanneer persoon skielik opstaan) en allergiese reaksies.
Oordosis Simptome van oordosering word geassosieer met die diuretiese effek, m.a.w. elektroliet-versteurings, hipotensie en spierswakheid. Behandeling behoort simptomaties te wees, gerig op die herstel van die elektrolietwanbalans.
Verwysings
Kategorie:Geneesmiddels Kategorie:Wêreldgesondheidsorganisasie se essensiële medisynelys