Die Franse inval in Meksiko (Frans: Intervention française au Mexique of expédition du Mexique, Spaans: Segunda intervención francesa en México) was 'n inval in Meksiko, wat deur 'n ekspedisiemag, gestuur deur die Tweede Franse Keiserryk onder Napoleon III en aanvanklik deur die Verenigde Koninkryk en die Koninkryk van Spanje ondersteun is. Dit het gevolg op die opskorting van rentbetalings aan ander lande deur President Benito Juárez op 17 Julie 1861, wat Meksiko se grootste krediteure Frankryk, Spanje en die Verenigde Koninkryk verontrus het.
duimnael|upright|links|Napoleon III van Frankryk duimnael|upright|links|Maksimiliaan I van Meksiko Die drie magte het op 31 Oktober 1861 die Verdrag van Londen onderteken, om hulle aansprake teen Meksiko saam te span. Op 8 Desember bereik Spaanse skepe met soldate uit Kuba Meksiko se belangrikste hawestad aan die Golf van Meksiko, Veracruz. Nadat die Britte en Spanjaarde ontdek dat die Franse beplan om Meksiko in te val, het hulle onttrek.
Die daaropvolgende Franse inval het gelei tot die stigting van die Tweede Meksikaanse Keiserryk, wat ondersteun is deur Rooms-Katolieke priesters, baie konserwatiewe elemente van die boonste klas, en sommige inheemse gemeenskappe; die presidensiële terme van Benito Juárez (1858–1871) is onderbreek deur die heerskappy van die Habsburgse monargie in Meksiko onder Maksimiliaan I (1864–1867). Konserwatiewe, en baie in die Meksikaanse adel, het probeer om die monargie te laat herleef (soos die Eerste Meksikaanse Keiserryk) wanneer hulle gehelp het om met die militêre steun van Frankryk 'n aartshertog van die koninklike huis van Oostenryk op die troon van Meksiko te bring. Frankryk het verskeie belange in hierdie Meksikaanse saak gehad, soos die versoening met Oostenryk, wat tydens die Frans-Oostenrykse Oorlog van 1859 verslaan is, die groeiende Amerikaanse krag teen te staan deur die stigting van 'n kragtige Katolieke naburige keiserryk en die ontginning van die rykmyne in die noordweste van die land.
Sien ook Hervormingsoorlog Kasteoorlog Koekoorlog
Verwysings
Eksterne skakels
Kronologie van die Meksikaanse Avontuur 1861–1867 Bronnelys vir die Franse inval in Meksiko
Kategorie:Geskiedenis van Frankryk Kategorie:Geskiedenis van Meksiko Kategorie:Oorloë