Die pienkspookkrap (Ocypode ryderi) is 'n seedier wat voorkom aan die ooskus van Suid-Afrika. Dit kan tot 3,5 cm breed word. Die krap kom voor op sandstrande en het 'n bleek, pienk liggaam met mauve of dofpers litte in die pote. Die krap het ook lang oogsteeltjies. Die krap grawe gate in die sand wanneer dit bedreig word. Hulle vreet dooie aas en klein diertjies bv. pas-uitgebroeide skilpadjies. Die krap is hoofsaaklik 'n nagdier.
Sien ook Spookkrap Vioolspelerkrap
Bron Gids tot die Kusgebiede van Suid-Afrika. Jacana Media. 2007.
Kategorie:Krappe