Die Indiese spieëlvis (Alectis indica) is 'n vis wat voorkom in die Indiese-Pasifiese area, die Rooisee en aan die Ooskus van Afrika vanaf die Persiese Golf tot by Algoabaai. In Engels staan die vis bekend as die Indian mirrorfish.
Voorkoms Die vis se kop en lyf is silwerig en groenerig aan die rugkant. Die voorkop is stomp en reguit en die skubbe is klein. Die onvolwasse visse het 5 - 7 donker vertikale strepe oor die liggaam. Die vis word 1,6 m groot en weeg dan 25 kg.
Habitat Die vis verkies vlak water in sanderige areas om in te leef. Die onvolwasse vissies is alleenlopers terwyl die volwasse visse in skole voorkom en vis, tjokka en skaaldiere vreet.
Sien ook Alfabetiese lys van visse Lys van Suider-Afrikaanse visse volgens wetenskaplike name Lys van visfamilies
Bron Coastal Fishes of Southern Africa. Phil & Elaine Heemstra. 2004.
Eksterne skakel Alectis indica by FishBase.
Kategorie:Beenvisse