Badrinath (Hindi: बद्रीनाथ) is 'n stadjie in die Indiese deelstaat Uttarakhand met 'n bevolking van 2 438 in 2011, aan die voet van die Himalaja net suid van die grens tot Tibet (Volksrepubliek China). In Badrinath bevind hom die 9de-eeuse Badrinath-tempel wat aan die Hindoe-god Badrinath, 'n plaaslike weergawe van Vishnu, gewy is. Gevolglik is Badrinath 'n godsdienstige sentrum van Vaishnavisme, een van die vier groot tradisies in Hindoeïsme. Badrinath is ook een van die Char Dham wat die vier belangrikste bedevaartplekke vir Hindoe-pelgrimstogte saamvat en aan die vier hoeke van Indië geleë is; die ander is Dwarka (weste), Puri (ooste) en Rameswaram (suide). As 'n Hindoe tydens sy aardse lewe al vier die plekke besoek, sal dit hom help om moksja te bereik (d.w.s. die vrystelling van die lyding as gevolg van die kringloop van herhalende sterfte en hergeboorte).
Verwysings
Eksterne skakels
Amptelike webwerf
Kategorie:Hindoeïsme Kategorie:Nedersettings in Indië