+ Astronomiese Sterrewag van Molėtai Beheer deur Instituut van Teoretiese Fisika en Sterrekunde () Ligging Kulionys, Litaue Koördinate Hoogte bo seevlak 200 meter Webtuiste mao.tfai.vu.lt Teleskope Maksoetof-teleskoop 51 cm reflektor teleskoop 63 cm reflektor teleskoop 165 cm reflektor
Die Astronomiese Sterrewag van Molėtai (MAO, Litaus: Molėtų astronomijos observatorija) is 'n astronomiese sterrewag wat deur die Instituut van Teoretiese Fisika en Sterrekunde van Litaue beheer word. Dit is op die Kaldiniai-heuwel naby die dorp Kulionys en sowat tien kilometer van Molėtai geleë.
Geskiedenis duimnael|links|Die Astronomiese Sterrewag van Molėtai Die ou astronomiese sterrewag van die Universiteit van Vilnius, wat in 1753 geopen is, was net soos die universiteit se nuwe sterrewag, wat in 1921 naby die Vingis-park opgerig is, vanweë sy ligging in 'n stadsgebied allesbehalwe geskik vir sterrekundige waarnemings. In 1969 het 'n nuwe sterrewag in die distrik Molėtai, sowat 70 kilometer noord van Vilnius, ontstaan. Hierdie nuwe instelling is op die Kaldiniai-heuwel net buite die dorpie Kulionys en tien kilometer van Molėtai af opgerig.
Die eerste teleskoop met 'n deursnee van 25 sentimeter is in die herfs van 1969 geïnstalleer. Dit is later by die Maksoetof-teleskoop (35/51 cm) geplaas. Reflektor-teleskope met 'n deursnee van respektiewelik 63 en 165 sentimeter is in 1974 en 1991 in bedryf gestel.
Uitrusting Die MAO beskik tans oor drie teleskope: Die 51cm-Maksoetof-teleskoop (wat die sterrewag se eerste 25cm-teleskoop in 1975 vervang het), 'n 63cm-reflektor-teleskoop, en 'n 165cm-reflektor-teleskoop wat volgens die MAO tans die grootste van sy soort in Noord-Europa (buite die Verenigde Koninkryk) is.
Verwysings
Notas
Eksterne skakels
Die Astronomiese Sterrewag van Molėtai
Kategorie:Geboue en strukture in Litaue Kategorie:Sterrewagte