Die skoenbek (Balaeniceps rex), ook bekend as die walviskopooievaar en skoenbekooievaar, is 'n groot langbeen-waadvoël. Sy naam kom van sy enorme skoenvormige snawel. Die voël het 'n ietwat ooievaaragtige algehele vorm en is voorheen geklassifiseer as 'n ooievaar in die orde Ciconiiformes; maar genetiese bewyse plaas dit saam met pelikane en reiers in die Pelecaniformes. Volwasse voëls is hoofsaaklik grys terwyl jong voëls meer bruin van kleur is. Die voël leef in tropiese Oos-Afrika in die groot moerasse van Suid-Soedan tot Zambië.
Verwysings
Kategorie:Voëls